ئەی دڵ پێم بڵێ بەو بچووکییە..!
چیت لە من ئەوێ؟ یارت بۆ چییە؟
تۆ کە پەیوەندی لە قەفەزی سنگ
بۆ چیتە چاو و ئەبرۆی وەک قوڵنگ
یەزدان کاری خۆی -زوو پێ زانیوە
کە لە ئێسکی ڕەق سنگی چنیوە
ئەگینا خێرا لە چواردە ساڵا
لەشی کەساست بەجێ ئەهێڵا
ئەکەوتیتە دوای زۆر بەژن و باڵا
سەر ڕووی زەمینت بە پێ ئەکێڵا
هەر ڕۆژەی شارێ جێگەی تۆ ئەبوو
هەر ماوەی جوانێ لەیلی تۆ ئەبوو. [1]

هۆنەر: #دڵشاد مەریوانی#
پەرتووکی: #فرمێسک و زەردەخەنە#
‌