ئیستخباراتا دەولەتا ترک ئیرۆ راگهاند، د ئۆپەراسیۆنەکێ دە کو ل خاکورکێ پێکهاتیە، کادرۆ و چەکدارا پەکەکێ یا ب ناڤێ زیلان ئازاک ب ناڤێ کۆد سەما چەولیگ هاتیە کوشتن.
ل گۆری ئاگاهیێن کو ئاژانسا ئەنادۆلویێ ژ میتێ ب دەستخستنە، زیلان ئازاک کادرۆیا ئیستخباراتا پەکەکێ ل هەرێما خاکورکێ هاتیە کوشتن، لێبەلێ دەما کوشتنا ئەشکەرە نەکریە.
میتێ تەسپیت کر کو ئازاکێ سالا 2015ان خوەندنا خوە یا زانینگەهێ د نێڤی دا هشتیە و تەڤلی رێخستنا پەکەکێ بوویە.
دەستنیشان کر، ئازاک بەشداری چالاکیێن کۆمکرنا ئاگاهیێن ئیستخباری، کەشف، راچاڤکرن و ئێریشێن ب درۆنان بوویە.
دەربارێ کوشتنا زیلان ئازاکێ، مەدیایا پەکەکێ ل 6 تەباخا ئیسالێ مرنا وێ راگهاند بوو و گۆت بوو کو زیلان ل مەها نیسانا ئیسالێ ل خاکورکێ کەتبوو بەر ئێریشان. [1]