دەهام عەبدولفەتاح ساڵا 1942 ل گوندێ بەلێی سەر ب باژێڕێ #عاموودا# ژدایک بوویە. سەردەمێ زاروکییا خوە وەک تەڤایا زاروکێن کورد ل هەژاری و دەستکورتیدە بوویە. ل 5 ساڵیدە ژبو فێربوونا قورئانێ دچیتە دەف ماموستایایێن ئایینیی یێن گوندی. ساڵا 1951 دچیتە قوتابخانەیەک کو ل نزیک گوندێ وانا هەبوو بناڤێ هەسێ ئۆسێ.
خوەندنا ناڤەندی ل قوتابخانەیا باژێيێ #حەسەکە# یێ دێ تمام کەت، پشتڕە خوەندنا ل ئەدەبا عەرەبی و ماموستایەتی ل زانینگەهێن دیمەشق و حەلەبێ تمام دکەت.
ل دەف مەلا ئەحمەد پالۆ، دەمێ کوو دەست نڤیسا فەرهەنگی و ڕێزمانیا خوە دانا بەر دەستێ دەهام عەبدولفەتاح و دگەل ماموستایێن ئایینیی یێن هەڤالێن خوە گفتوگۆ کر، ئارەزوویا ناسینا زمانێ دایک لدەف وی زۆرتر بوو.
دەهام عەبدولفەتاح ل دەستپێکا نڤیسینا خوەدە، بابەت ب زمانێ عەرەبی دەڤیسین، لێ پشتڕە ژ زمانێ عەرەبی دیر کەت و تەڤایا چالاکی و دەستنڤیسێن خوە ب زمانی عەرەبی شەوتاندن و تەنێ ب زمانێ کوردی نڤیسین.
پشتی 8 ساڵان ل خوەندنێ ڕێزمان و فەرهەنگا کوردی، دەهام عەبدولفەتاح ل ساڵی 1989 دا ب فەرمی دەست ژبو قەڵەمی برن داکو هەست و بیرا خوە ب کوردییەکا ڕەسەن بنڤیسیت.
ئەو دبێژیت: زمان ب تەنێ دەربڕین و پەیوەندی و تێگەهشتن نییە، زمان وەکە گەنجینەیەکا ڤەشارتییە.
دەهام چەندین پەرتووک و نڤیسین هەنە کو نها ژی ل پەرتوکخانەیا کوردی دە یێن بەردەستن.
ل نهادا چاڤێ زمانزانێ هێژا، دەهام عەبدولفەتاح باش نابینن، لێ ب هەڤکارییا گەنج و لاوان، لسەر کارێ خوە یێ بەردەوامە و دەست لێ هەلناگریت.
ئەو بخوە دبێژیت: دلێ من یێ بهێزە. مۆڕاڵا من یا بەرزە. ب کێمیڤە ئەز دکارم ساڵێ کتێبەکێ بنڤیسم.
$بەرهەمێن دەهام عەبدولفەتاح:$
- پەیڤینەک ب کوردەکی رە، (وەرگێڕان) ب عەرەبی، شام (1989)
- ل بەر دەرگەهێن لالەش، (هەڵبەست) ب کوردی و عەرەبی، شام (1990)
- نێرینەکە رەخنەیی ل هەلبەستێن کوردی، (ڕەخنە)، شام (1992)
- هندەک ئالۆزیێن زمانێ کوردی، (لێکۆڵینەوە)، شام (1993)
- د موزیکا هەلبەستێن کوردی دە (تێبینی و وڵامڤەدان)، ب عەرەبی، شام (1995)
- رێنڤیسا زمانێ کوردی، کۆمبەندا کاوا، لوبنان (1998)
- داستانا گلگامەش، دهۆک، سپیرێز، چاپی یەکەم (2005)، ب ئەلفوبێیا عەرەبی؛ چاپا دووهەم ئەنستیتۆیا کوردیی #ئامەد# (2006)
- ناڤ د زمانێ کوردی دە، دهۆک، سپیرێز، چاپ ئێکەم (2006)؛ چاپا دووهەم، ئەنستیتۆیا کوردی ئامەد (2006)
- جیناڤ د زمانێ کوردی دە، دهۆک، سپیرێز، چاپا ئێکەم (2006)؛ چاپا دووهەم، ئەنستیتۆیا کوردی ئامەد (2006)
- کار (لێکەر) د زمانێ کوردی دە، ئەنستیتۆیا کوردی ئامەد، چاپا ئێکەم (2011)؛ دهۆک، سپیرێز، چاپا دووهەم (2012)، ب ئەلفوبێیا عەرەبی.
- یارسان (ئەهلێ حەق)، ئامەد، لیس (2017)
- مستەک ژ هێڤی و ئاریشەیێن زمانێ کوردی (کورمانجی)، لیس (2018)
[1] [2]