ناڤ: خەلیل
ناسناڤ: مەلا خەلیل مشەختی
ناڤێ بابی: سەلمان خابوو
ساڵا ژدایکبوونێ: 1888 زایینی
ڕوژا وەغەرا دوایی: #01-01-2007#
جهێ ژدایکبوونێ: گوندێ بەلاوات یێ سەر ب پارێزگەها نەینەوا
جهێ وەغەرا داویی: باشوورێ کوردستانێ
$ژیاننامە$
خەلیل سەلمان خابوو یێ بەرنیاس ب مەلا خەلیل مشەختی ل ساڵا 1888یا زایینی ل گوندێ بەلاوات یێ سەر ب پارێزگەها نەینەوا ژدایک بوویە، ل ژیێ زاروکینێ دە گوندێ بەلاوات یا زێدی باب و باپیرێن خوە بجێ دهلیت و تەڤی ماڵباتا خوە ل گوندێ گازیوە ئاکنجی دبن و پشتڕە ژبو گوزەرانا ژیانێ بابێ وی لوی گوندەی دبیتە گاڤان، پشتی کوو دایکا مشەختی وەغەرا داویێ دکەت ئەو بیر لوێ چەندێ دکەت کو پێدڤییە پتر گرنگی ب خوەندنا خوە بدەت لەوما بڕیار ددەت بەرێ خوە بکەتە خوەندنا ئایینی و دبیتە فەقی، ل دەستپێکی دەف مەلا عومەرێ بێرکیاتی ل گوندێ مێرسیدا دەست ب خوەندنا خوە دکەت، پشتڕە دچیتە خزمەتا مەلا ئەحمەدێ ڕەشا و هەر دەف وی مەڵایەی موڵەتا مەلایەتیێ وەردگریت، مەلا خەلیل مشەختی ژبو ئێکەم جار وەکە پێش نڤێژ و گووتار خووین ل گوندێ زیناڤی یا کەڤن دەست ب کار دەبیت و پشتڕو ژبەر هەستا نەتەویی و پشکداری کرن ل شوڕەشا چەکداری و خەباتا کوردینیێ ل ساڵا 1975 تەڤی ماڵباتا خوە ئاوارەی وڵاتێ ئیرانێ دبن، پشتی 19 ساڵان ژیانا ئاوارەیی و دەربەدەریێ و دورە وڵاتیێ ل ساڵا 1994 ڤەدگەڕێتە باشوورێ کوردستانێ و ل کۆمەڵگەها چڕە ئاکنجی دبن، مشەختی سەرباری هندێ کوو مەلا بوویە هوزانڤان و نڤیسەرەکێ شارەزاش بوو و ل ژیانا خۆەدە خوەدیێ نزیکی 15 بەرهەمانە کو زوربەیا وانا هەیا نها چاپ نەبووینە. پەرتوکا مەنتەق و لتەیری عەتارێ نەیشابووری (منطق الطیر ی عەتتارێ نیشابوری) ژبو کوردی یا کرمانجی وەرگێڕایە و هەروەسا مەولوودنامە ژی نڤیسیە و فەرهەنگا کوردی- کوردی ژی نڤیسیوە و چوارینەیێن باباتاهیرێ هەمەدانی ژی کریی کوردی.
سەرئەنجام ل 01-01-2007 و ل ژیێ 119 ساڵیدە وەغەرا داویێ دکەت و پشترە وەکە ڕێزەک ژبو ئەو کەسایەتی و ئەو خزمەتا کو ب پەرتوکخانەیا کوردی کرییە لو ناڤەندا قەزایا #شێخان# پەکەرەک ژبوی دروست کرن.
[1][2]