بەبۆنەی ڕاگەیاندنی ئەنجامی فەرمیی هەڵبژاردنی پەرلەمانی کوردستان و سەرکەوتنی پرۆسەکەوە، سوپاس و پێزانینی خۆم بۆ خەڵکی کوردستان بەگشتی و ئەندامان و لایەنگر و هەوادارە وەفادار و خۆڕاگر و پشوودرێژەکانی یەکێتیی نیشتیمانیی کوردستان بەتایبەتی دەکەم بۆ بەشداریکردنتان لە دەنگدان و سەرخستنی وێستگەیەکی دیکەی خەباتی دیموکراسی و مەدەنیمان.
متمانەی خەڵکی کوردستان بە یەکێتییەکەی مام، ئاماژەیەکی ڕوونی ڕەوایی خەباتی یەکێتی و قەدرزانینە بۆ مێژووە پڕ سەروەرییەکەی. هەروەها دووپاتکردنەوەی بڕوای تەواوەتیی خەڵکە بە یەکێتییەکەیان، بەوەی لە ئاستی چاوەڕوانیدایە و دەتوانێت داوا و مافە ڕەواکانیان بەدی بهێنێت.
سەرکەوتنی ئەمجارەمان، درێژکراوەی مێژووی زێڕین و هەرگیز لەبیرنەکراوی مام_ە کە لە تاریکترین چرکەساتی مێژوودا، بووە مەشخەڵهەڵگری گەلەکەمان و بۆ یەکەمجار توانیی قەوارەی هەرێمی کوردستان دروست بکات. پێویستە یەکێتییش لەئاست گەورەیی ئەو مێژووەدا بێت و کەم و زۆریش سازش لە بچووکترین مافی خەڵک نەکات. چونکە یەکێتی خۆی هەر لەو پێناوەدا دامەزراوە و ڕەنجی داوە و ڕووبارێک خوێنی بەخشیوە.
لێرەوە پیرۆزبایی لە دڵەوە هەڵقوڵاوی خۆم ئاڕاستەی #پێشمەرگە# و کەسوکاری سەربەرزی شەهیدان و ئەنفالکراوان و تەواوی لایەنگران و ئەندامانی یەکێتی و کاندیدە سەرکەوتووەکانی یەکێتی و سەرۆکی لیستەکەمان دەکەم بەتایبەت و بێگومانیشم سەبارەت بەو بەرپرسیارێتییە مێژووییە، سەرکەوتوو دەبێت.
داواش لە سەرجەم لایەنە سیاسییەکان دەکەم، بە ڕۆحێکی کوردانەوە، هەوڵی جدی بدەن بۆ دروستکردنی یەکڕیزی و تەبایی و دووربکەونەوە لە بیری تەسک و کورتبینی حیزبایەتی و گرتنەبەری هەر ڕێگەیەک کە زیان بەو تەباییە دەگەیەنێت. چونکە میللەتەکەمان ساڵانێکی دژوار و ناهەمواری گوزەراندووە و شایەنی کەشوهەوایەکی ئارام و خزمەتی ئێجگار زیاترە.
#هێرۆ ئیبراهیم ئەحمەد#
بەیروت
#22-10-2018#

دەقی پرسەنامەکەی هێرۆ ئیبراهیم ئەحمەد:
پەیامێک لە هێرۆ خانەوە بۆ ئاکام عومەر
بە داخ و پەژارەیەکی زۆرەوە، هەواڵی ماڵئاوایی فەرماندە (ئاکام عومەر) فەرماندەی ھێزەکانی کۆماندۆی کوردستان-مان پێگەیشت.
شەھید بوونی فەرماندەیەکی لاو و پڕ لە ورە، کە ئەمڕۆ بە یەکجاری ماڵئاوایی لێکردین، خەمێکی گەورەی خستە دڵی ھەمووانەوە و لەناخەوە نیگەرانی کردم.
ئاکام عومەر، فەرماندەیەکی ئازا و چاونەترس بوو، بە شەهیدبوونی فەرماندەیەکی ئازامان لەدەستدا، بۆیە بەم بۆنە خەمناکەوە پرسە و سەرەخۆشی لە کەسوکار و بنەماڵە و خانەوادە تێکۆشەرەکەی فەرماندە ئاکام و هەموو ئەفسەر و پێشمەرگەکانی هێزی کۆماندۆ دەکەم
هێرۆ ئیبراهیم ئەحمەد
ئەندامی ئەنجومەنی باڵای سیاسی و بەرژەوەندیی ی.ن.ک[1]

تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

بەداخ و پەژارەیەکی زۆرەوە، هەواڵی کۆچی دوایی خاتوو (ئامینە میر ئەحمەد) دایکی کاک قەرەنی ئاغام پێگەیشت.
بۆ ئەم بۆنە خەمناکە پرسە و سەرەخۆشی خۆمان ئاڕاستەی ئێوە و کەسوکارە تێکۆشەرەکەتان دەکەین و هاوخەمتانین ، لەخوای گەورە داواکارین کۆچکردوو بە بەهەشتی بەرین شاد بکات. [1]
أنا لله و أنا إلیەراجعون

#هێرۆ ئیبراهیم ئەحمەد#
ئەندامی ئەنجوومەنی باڵای سیاسی و بەرژەوەندی ی.ن.ک

دەقی پرسەنامەکەی هێرۆ ئیبراهیم ئەحمەد:
بەداخ و پەژارەیەکی زۆرەوە هەواڵی کۆچی دوایی فەرماندە و تێکۆشەر و پێشمەرگەی ڕۆژە سەختەکانی خەبات فەرماندە عەبدوڵڵا وسو-م پێگەیشت، و لەدڵەوە خەمباری کردم.
فەرماندە عەبدوڵڵا وسو پێشمەرگەیەکی قارەمان، فەرماندەیەکی لێهاتوو، تێکۆشەر و خەباتگێڕێکی خۆنەویست بوو، هەمیشە لەکۆڕی پێشەوەی قوربانیدان بووە بۆ گەلەکەی و ئامادەی هەموو قوربانییەک بووە لەپێناو خاک و نیشتمانەکەی، لەدەستدانی خەسارەتێکی گەورەیە و کەڵێنێکیشە بۆ ڕیزی خەباتی نەپساوەی گەلەکەمان.
بۆ ئەم بۆنە خەمناکە پرسە و سەرەخۆشی ئاراِستەی خۆمان و ئێوە و تەواوی هاوڕێ و هاوسەنگەرانی دەکەم و لەیەزدانی مەزن داواکارم سەبووری و دڵنەوایتان پببەخشێت و فەرماندەی کۆچکردووش بەبەهەشتی بەرینی خۆی شاد بکات.
انا لله و انا الیه ڕاجعون
هێرۆ ئیبراهیم ئەحمەد
ئەندامی ئەنجومەنی باڵای سیاسی و بەرژەوەندی ی.ن.ک[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

کەسوکاری هەڤاڵ #قادر باجلوری#
هاوڕێ و هاوسەنگەران

بە داخ و پەژارەیەکی زۆرەوە، هەواڵی کۆچی دوایی، تێکۆشەر و پێشمەرگەی دێرین، کەسایەتی ناسراوی #بادینان#، هەڤاڵ قادر باجلوریم پێگەیشت، هەڤاڵ قادر باجلوری، تێکۆشەرێکی دێرین و سەر ڕاستی سەرە ڕێی خەبات و قارەمانێکی خۆنەویست بوو، هەروەها کادرێکی بەتوانا و لێوەشاوەش بووە لە کاری ڕێکخستن و حزبایەتی، هەروەها کەسایەتیەکی خاوەن پێگە و ناسراو بووە لە بادینان.
بۆ ئەم بۆنە خەمناکە پرسە و سەرەخۆشی خۆمتان ئاڕاستەی کەسوکارە سەربەرزەکەی و هاوڕێ و هاوسەنگەرانی دەکەم و لە پەروەردگار داواکارم سەبووری بە ئێوە و ئێمە و هەمووان ببەخشێت و کۆچکردووش بە بەهەشتی بەرینی شاد بکات. [1]
انا للە و انا الیە ڕاجعون
#هێرۆ ئیبراهیم ئەحمەد#
ئەندامی ئەنجومەنی باڵای سیاسی و بەرژەوەندی ی.ن.ک

خوشک و دایکی شەهیدان
ژنان و کچانی کورد لە جیهاندا

ڕۆژی 8ی مارس، ڕۆژی جیهانی ژنان لە هەمووتان پیرۆزبێت و هەموو ڕۆژێکتان جەژنی سەرکەوتن و پێشکەوتنی زیاتری ژنی کورد بێت، لە کوردستان چەندین شۆڕش و قوربانیدانی ژنان تا ئەم ساتەوەختەش بووە بۆ هەوڵ و کۆششدان لەپێناو بەدەستهاتنی مافی خۆیان، هەر لەکاتی ڕژێمی بەعسی ڕووخاوەوە تا ئەم ساتەوەختە ژن بەشێکبووە لە قوربانیدان و هەوڵ و تێکۆشان، لە ڕاپەڕینەکانی کوردستانیش ژنان لە پێشەوە بوون، دوای ئەوەش هەوڵدان بەردەوامبووە بۆ بەدەستهێنانی مافەکانیان و چەندین بڕیار و یاسایان دەرکردووە، بۆیە ژنانی کورد هەمیشە پێشەنگ بووە و هاوشانی پیاوانی کورد بەشداربووە لە خەبات و تێکۆشان بۆ میللەتەکەی، ئەمەش سەروەرییەکی نەبڕاوەیە بۆ هەموو کوردێک. [1]

دووبارە 8 ی مارس لە هەموو کچ و ژنێکی کورد بەتایبەت و ژنانی جیهان بەگشتی پیرۆزبێت.

#هێرۆ ئیبراهیم ئەحمەد#
ئەندامی ئەنجوومەنی باڵای سیاسی و بەرژەوەندی

دەقی پیرۆزباییەکە:
بەڕ‌ێزان سەرنووسەر و میدیاکار و کادیرانی PUKMEDIA
دامەزرێنەرانی ماڵپەرە سەنگینەکەی یەکێتی
لە بیستەمین ساڵیادی دامەزراندنی ماڵپەری PUKMEDIA دا، گەرمترین پیرۆزبایی ئاڕاستەی ئێوە و تەواوی میدیاکاران و یەکێتییەکان دەکەم و هیوای سەرکەوتنتان بۆ دەخوازم
PUKMEDIA لە سەرەتای دروستبوونییەوە هەمیشە ماڵپەڕێکی سەنگین و سەرچاوەیەکی خێرایی زانیارییەکان بووە، یەکێکیش بووە لەسەکۆ سەربەرزەکانی کاری ڕۆژنامەوانی بۆ گەیاندنی پەیام و زانیارییەکان بەخوێنەرانی بەزمانە جیاوازەکان.
ماڵپەری PUKMEDIA هەمیشە ڕەچاوی ئیتکی ڕۆژنامەوانی و بەرپرسیارێتی کۆمەڵایەتی کردووە، هەر ئەمەش وایکردووە کە سەرچاوەیەکی باوەڕپێکراوی میدیایی بێت و خاوەن پێگەیەکی بەهێز و باوەڕپێکراو بێت لەمەیدانی ڕۆژنامەوانی کوردیدا.
بۆ ساڵی نوێی تەمەنیشی، هیوای سەرکەوتن و بەرەوپێشچوونی زیاتر بۆ ئەو ماڵپەڕە خۆشەویستە دەخوازم و وەک هەمیشە پشتیوانتان دەبین لەکار و چالاکییەکانتاندا .
هێرۆ ئیبراهیم ئەحمەد
ئەندامی ئەنجومەنی باڵای سیاسی و بەرژەوەندی ی.ن. ک[1]

تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

$پەیامی پیرۆزبایی گەلاوێژ خان بۆ یادی لەدایکبوونی هێرۆ خان$
لە ساڵیادی لە دایکبوونتدا، کچە تێکۆشەر و سەلار و ڕۆشنبیر و خەمخۆری چین و توێژە جیاجیاکانی گەلی کورد و مرۆڤ دۆستم (#هێرۆ#) جوانترین پیرۆزباییت لێدەکەم و بەوە سەربەرزم کە نموونەیەکی مەزنی وەک تۆ لە هەناومەوە هاتووەتە بوون.
گێڕانەوەی ژیانی تۆ بەم قەڵەمەی من ناکرێت و پێویستی بە چەندین ڕۆمان و داستان و فیلمی نایابە، چونکە تەمەنی پڕ لە شانازییت بۆ خۆی ڕٍۆمان و داستان و فیلمە.
تۆ پەروەردەی قوتابخانەکەی برایم ئەحمەد و کچە بوێر و ژنە نەبەرد و تێکۆشەرەکەی شاخ و
هاوسەر و هاوڕێ و پشتوپەنای #مام جەلال# بوویت.
جارێ بە بیری ورد و جارێ بە نەخشە و پلان و جارێ بە چەکی کامێرا و جارێ بە جەولەی دوورودرێژ و کۆڕِ و کۆبوونەوەی سیاسی و ڕێکخراوەیی و پیشەیی و..هتد شانی مەردایەتیت داوەتە بەر نەهامەتییەکانی ئەم گەلە.
دوای ڕاپەڕینیش، خەڵک ناسناوی (دایکی کوردان)یان بە باڵای زراڤتدا بڕی و هەر بە کردەوەیش بوویتە دایکێکی خەمخۆری پێشمەرگە و ژنان و کچان و لاوان و منداڵان و ڕەنجدەرانی بیر و بازوو و میدیاکاران و هەموو ئەوانی تریش.
لە یادی لەدایکبوونتدا، دەستی دایکایەتی بۆ پەروەردگار بەرز دەکەم و نزای تەندروستیی باش و تەمەنی درێژت بۆ دەخوازم، گوڵە هێرۆی باخچەی دڵی ئێمە و کوردستان.
#گەلاوێژ ساڵح فەتاح#
#12-06-2022#
[1]

#هێرۆ ئیبراهیم ئەحمەد# ئەندامی ئەنجومەنی باڵای سیاسی و بەرژەوەندی ی.ن.ک پەیامێکی پیرۆزبایی بەبۆنەی جەژنی قوربانی پیرۆزەوە بڵاوکردەوە.

=KTML_Bold=دەقی پەیامەکە....=KTML_End=
بەبۆنەی هاتنەوەی جەژنی قوربانی پیرۆز، گەرمترین پیرۆزبایی ئاڕاستەی کەسوکاری سەربەرزی شەهیدان و پێشمەرگە و تێکۆشەران و کۆمەڵانی خەڵکی کوردستان و تەواوی موسوڵمانان دەکەم.
هیواخوازم پەروەرگارئەم جەژنە بکاتە هەوێنی تەبایی و یەکڕیزی ماڵی کورد، هەروەها سەرەتایەک بێت بۆ خۆشگوزەرانی و بەختەوەری خەڵک.
دووبارە جەژنتان پیرۆز و هەموو ڕۆژێکتان جەژن و شادی بێت. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

پەیامی پیرۆزبایی #هێرۆ ئیبراهیم ئەحمەد# بۆ جەژنی نەورۆز و ساڵی نوێی کوردی
دەقی پەیامەکەی:
کۆمەڵانی خەڵکی کوردستان
کەسوکاری سەربەرزی شەهیدان
لەناخی دڵمەوە پیرۆزبایی هاتنی جەژنی نەورۆز و ساڵی نوێی کوردیتان لێدەکەم هەمیشە لەجەژن و خۆشیدا بن، نەورۆز جەژنی نوێبوونەوە و سەوزبوونەوەیە، بۆیە هیواخوازم نەورۆزی ئەمساڵ ببێتە هەوێنی ژیانەوەی تەواوی کوردستان و یەکڕیزی و دابینکردنی ژیانێکی شایستە بۆ هەموو کوردێک لەهەر جێیەکی جیهان بن، لە بۆنەیەدا دروود دەنێرم بۆ ڕۆحی تەواوی شەهیدانی کورد و کوردستان و پیرۆزبایش لەتەواوی کۆمەڵانی خەڵکی کوردستان دەکەم.
هەر لەجەژن و خۆشیدا بن و هەموو نەورۆزێکتان لەخۆشیدا بەڕێ بکەن.
#20-03-2023#
هێرۆ ئیبراهیم ئەحمەد [1]