شەهیدی فەرماندە ئیبراهیم داربەسەری
لە 01-07-1952 لە گوندی داربەسەری بچووک لەدایکبووەو لە 6 ساڵیدا خراوەتە بەرخوێندن لە گوندی ئیلنجاغی گەورە تا پۆلی سێیەمی سەرەتایی لەوێ خوێندویەتی، لەبەر کەمدەرامەتی دەست لەخوێندن هەڵدەگرێ و لە تەمەنی 15 ساڵی پەیوەندیی بەحزبی شیوعی ئێراقی کردووە، پلەکانی حزبی چالاکانە بریوەو بووەتە کادیرێکی لێهاتوو، شەهید لەبەر بیروباوەڕی سیاسیی و نیشتمانپەروەریی لە ساڵی 1975 لەبەندیخانەی موسڵ زیندانی دەکرێت و دوای ئازار و ئەشکەنجەیەکی زۆر لە ساڵی 1979 بەلێبوردنی گشتیی ئازادکراوە.
دوای ئازادکردنی پەیوەندیی بەریزەکانی کۆمەڵەی ڕەنجدەرانی کوردستانەوە دەکات و بەهۆی زیرەکییەوە دەکرێت بە کادیر، ساڵی 1981 دەبێت بەپێشمەرگە لەتیپی 93ی کۆیەو دواتر دەچێتە تیپی 90ی باواجی و لەزۆربەی چالاکییەکانی سنووری خۆشناوەتی بەشداریکردووە، لەنەبەردییەکەی حەمامۆک کەزیاتر لە 18 ئەمن بەسزای گەل و نیشتمان گەیەنرا، شەهید ڕۆڵی ئازایانەی بینی. لەبەرئەوەی خۆشەویستی جەماوەر بوو بەرپرسیارییەتی کاروباری کۆمەڵایەتی بەشێکی زۆری خۆشناوەتی و دەشتی #هەولێر#ی پێسپێردراوە، هەندێک لەئەرکەکانی لەگەڵ تیپی 21ی #کەرکووک# ڕاپەراندووە، لە #05-03-1985# لە گوندی داربەسەری بچووک بەهۆی هێرشی هێلیکۆپتەرەوە چووە ڕیزی کاروانی نەمرانەوەو بوو بەدووەم شەهیدی بنەماڵەکەی.
شەهید برایم برازای شەهیدی نەمر عەلی مەولود داربەسەرییە. [1]
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 5,916 car hatiye dîtin
Raya xwe li ser vî babetî binivîsin!