ساڵی 1957 لەگوندی سولاوکەی سەر بەناوچەی هیران٬ لەدایکبووە. لەڕۆژی #12-12-1977# چۆتە ڕیزەکانی #یەکێتیی نیشتمانیی کوردستان# لەدۆڵی خۆشناوەتی و دەشتی #هەولێر# بووە.
لە 01-01-1979 لەگوندی نازەنین سکتان برینداربووە و پاش 2 ڕۆژ بەبرینداری لەگوندی (جەڵی) لەبەرسەختی برینەکەی٬ بەمەبەستی تیمارکردنی، بەنهێنی ڕەوانەی شاری هەولێر کراوە. بەلام لەڕێگادا بەدیل گیراوە و بۆماوەی یەک مانگ لەنەخۆشخانەی ڕزگاری هەولێر لەژێر چاودێریی دوژمندا ماوەتەوە. دواتر ڕەوانەی (هەیئەی خاسەی) #کەرکووک# کراوە. لەماوەی 9 مانگ مانەوەی لەوێ چوارمانگ و نیو بەردەوام لەژێر ئەشکەنجەدا بووە. لەڕۆژی 22-06-1980 دراوە بەدادگا و پاشان بە لێبوردن لەزیندان ئازاد کراوە.
بۆ جاری دووەم لە 01-07-1980 ڕوویکردۆتەوە شاخ و ڕیزەکانی (ی.ن.ک) لەپاش سەرکەوتنی لەشەڕی چیای #قەندیل# دا٬ لە 13-08-1983 لەلایەن سەرکردایەتییەوە ستایشی کراوە. لەشەڕەکانی کۆڕێ و دەشتی کۆیە و بناری کۆسرەت و چیای ئاراسن و جوانەگا و کێلەکی پشتی هیران و حەسەن بەگ و سەری ڕەش و قەندیل بەشدار بووە.، لەژیانی پێشمەرگایەتییدا هەفت جار بریندار بووە. لەساڵانی هەشتاکاندا لەتیپی 85ی بەرانەتی فەرماندەی کەرت بووە. دواتر گواستراوەتەوە بۆ تیپی 91ی سەفین لەوێش فەرماندەی کەرتی 3 بووە. لەراپەڕینی ساڵی 1991 بەشدار بووە. دواپلەی پێشمەرگایەتیشی جێگری فەرماندەی هێزبووە. شەهید ئەحمەد لە 1994-12-24 لە قەڵاتی ئاقوبان لە چیای سەفین شەهید دەبێت
تێبینی: زانیارییەکان لەدەفتەری ژیاننامەی شەهید وەرگیراوە کەخۆی نوسیویەتی.
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 12,637 car hatiye dîtin
Raya xwe li ser vî babetî binivîsin!