تۆپی وەستا ڕەجەب ئەم تۆپە لەلایەن وەستا ڕەجەب درووستکراوە لە سەردەمی (میر محمەد) (1813 - 1837 ز) لە ڕواندز.
لەسەرەتای سەدەی (18) ی زایینیدا میر محەمەد پاشای ڕەواندزی توانی سنووری میرنشینی سۆران فراوان بکات و بۆ پاراستنی ئەو سنوورەش بیری لە درووستکردنی کارگەی چەک و تەقەمەنی کردەوە. وەستا ڕەجەب وەک داهێنەرێکی ناوچەکە دەستی بە درووستکردن و بنیادنانی ئەم کارگەیەی کرد و یەکەم تۆپی عیار (2) لە ساڵی 1814ز درووست کرد. لە دوای ماوەیەکدا توانی چەندان تۆپی دیکە بە عەیاری جیاواز درووست بکات، کە ئێستا یەکێکیان لە شارۆچکەی ڕەواندز پارێزراوە و یەکێکی دیکەش لە مۆزەخانەی سەربازی ئێراقی پارێزراوە. هەر لەم کارگەیەدا (دراو) و شمشێر و خەنجەر و کەلوپەلی ناوماڵ و ڕاکێشانی سکەی دراوی لێ درووست دەکرد. هەندێ بۆچوونی مێژووی دامەزراندنی شارۆچکەکە بۆ ساڵانی627 و 904 ی کۆچی دەگەڕێننەوە.
سەرچاوەی وێنەکە: بارزان ڕەمەزان گراوی
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 19,332 car hatiye dîtin