ئێکە ژگوندێن سەر ب ناحیا چەمانکێ یا سەر ب قەزا ئامێدیێ ڤە، گوندێ کانی مازێ دکەفیتە ناڤ هوزا بەرواری یا، ئەڤ گوندە دکەڤندا تانهو هەر ب بڤی ناڤی دهێتە نیاسین ئانکو ئەڤ گوندە یێ ناڤدارە ب ماسیا ژبەر هندێ ناڤێ گوندی دانایە کانی مازێ!!
ژلایێ چوگراڤی ڤە : ژ رۆژ هەلاتی ڤە گوندێ شکەفتێ یە، ل رۆژئاڤایی ڤە گوندێ بارەمینکێ یە، ژلایێ باکوری ڤە چیایێ گارەیە ژلایێ باشوری ڤە بێبادێ یە،و بو ماوەیەکێ درێژ خەلکێ گوندی ل گوندێ خو ئاکنجی بوینە وەکو یا دیار کو خەلکێ ڤی گوندی ئەڤە نێزیکی (10) بابە دڤی گوندی دژین، و ئەڤ گوندە پێک هاتیە ژ شەش بنەمالان کو ئەڤ شەش بنەمالە ناڤدارن ب ڤان ناڤان :- (1- مالا ژێری 2 - مالا ژووری 3 - مالا ئوسمانیا 4 - مالا شێخ ئەمین 5 - مالا شێخ محەمەد 6 - مالا سلمان)ی، وەکی هەمی گوندێن کوردستانێ چەندین جارا هاتیە وێران کرن وسۆتن ژلایێ رژێما گور بە گور ڤە، و خەلکێ ڤی گوندی ل ساڵا (1988) ئاوارەی کەمپا بەحرکێ کرینە و پشتی سەرهەلدانا پیرۆزا بهارا ساڵا (1991) خەلکێ ڤی گوندی زڤڕینە سەر خاکا خویا پیرۆز و ل گوندێ خویێ بەرێ ئاکنجی بوینە تا ساڵا (1997) جارەکادی خەلکێ ڤی گوندی جهێ خو هێلایە و بارا پتر ژ خەلکێ گوندی ل کەمپا ئەتروشێ دژین.
چەندین شینوارێن کەڤن ل ڤی گوندی هەنە وەک: (قەلا پیرێ حەلان، ئاشێ کانی مازێ، بەرێ خوینێ، پرا ئاشی) (14) گوڕستان د ئاقارێ گوندی دا هەنە، گوڕستانا ناڤدار ل گوندی گوڕستانا حەلانە) کو ئەڤ شێنوارە هەمی زور دکەڤنن.
ئەرد و ئاقارێ گوندی : (چەمێ بریفکا، چەمێ بەر گوندی، چەمێ پشتا گەلی، سێلێ خەرین، مرا ب کاشی، شیڤا دارا دێرێ) هەروەسا ئەڤ گوندە یێ ناڤدارە ب ڤی دەرامەتی (دارا سێفێ، خوخ، رەزا، جووت و کێلا) وەکی یا دیار فێقیەکێ زۆر دڤی گوندی دا دهێتە بەری.
ناڤدارترین کانیێن گوندێ کانی مازێ ئەڤە نە : - (برکا چوماتێ، کانی زەرک، کانی ئاڤتکێ) و دەرامەتێ ڤی گوندی ل سەر روباری دهێتە ئاڤدان، هژمارا سەرۆک خێزانێت گوندی دگەهنە 150 مالان و خەلکێ ڤی گوندی نهوژدیری گوندێ خودژین.
Ev babet bi zimana (کرمانجی) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Ev babet 4,304 car hatiye dîtin
Raya xwe li ser vî babetî binivîsin!