کوڕێ شێخ بها و الدینی، کوڕێ شێخ محەمەدی کوڕێ حاجی یێ ڕێکانی یە، ئەڤ بنەمالە ل دەڤەرا بەهدینان ب بنەمالەکا ڕەوشەنبیر و ئولدار ژ خودێ ترس ناڤدارە. ئەڤ بنەمالە ژ ڕێکان یا یە ل ناڤ ڕێکانی یا مشەختبو یە و ل ئامێدیێ پایتەختێ میرگەها بەهدینا جهوار بوویە. ئەڤ بایتەختێ میرگەهێ ئەگەر چی ژ لایێ دەستهاتن و ڕاهاڤیژێ وەکی بەرێ نەمابو وی دەمی، بەلێ ژلایێ ڕەوشەنبیریێ هێژ پێشکەفتی مابو شەرگەها زانا و ڕەوشەنبیرێت ب ناڤ و دهنگێت کورد بو، ژبەر کو هێژ خواندنگەهێت وێ، وەکی خویندگەها (قوپا)، مەدرەسا مرادخانی و مەدرەسا مەلا یەحیایێ مزویری هێژ ب بزاڤ بوینە، شاگرد و سەیدا هەر د هاتنێ ژبەر کتێبخانێت ئاڤا و زانایێت دەستهاتی یێت لێ. ئەڤ بنەمالە ل پایتەختێ میرسێڤدینا جهوار بوویە، پاش هەیامەکێ کورت سەرگێری یا تەکیا نەقشەبەندی ل ئامێدیێ دانایە د دەستی دا.ئەو تەکیا ل سەر شویرها ئامێدیێ ل لایێ ڕۆژهەلاتێ ل هنداڤی دەشتیلوکێ. پاش چۆنە بەر دلوڤانیا خودێ یا شێخ طاهری، شێخ محەمەد کوڕێ وی ژ ئامێدێ چوویە گوندێ بامەڕنێ ل جهوار بوویە. پاش تەکیایەکا نەقشەبەندی ل وێرێ ب سەرێکڤە ئینایە.پاش شێخ محەمەدی شێخ باهدینێ کوڕێ وی بویە شێخێ تەکیایێ کو بابێ شێخ غیاث الدینی یە، غیاث الدین یێ کو کوڕێ نەخری یێ شێخ باهدینی بوویە نێزیکی سالا 1890 ێ ل بامەڕنێ ژ دایک بوویە. ناڤبری ل وێ مالا ژ خودێ ترسو ئولدار بویە پەروەردە بوویە.وەکی هەمی کوڕێت بنەمالێت ئولدار دەست ب خویندنا کتێبێت دینی، ژ شریعەتی و فقهی ل نک زانایێت جهی وەکی مەلا نەجمەدینی یێ کو بەرنڤێژ امام وسەیدایێ تەکیایێ ل بامەرنێ خویندی یە، پاش چوویە ئامێدیێ خویندناما، (اجازا) عالمیێ ژ دەستێ محەمەد شکری مفتیێ ئامێدیێ وەرگرتی یە، ناڤبری مروڤەکێ تێگەهشتی و زانا بوویە. ژ دویر بوینی یا خو، پێشکەفتن و ڤەژینا جهی و مللەتی ب بەڵاڤکرنا ڕەوشەنبیریێ و قرکرن و نەهێلانا نەزانینێ گرێدایە، هەر ژبەر هندێ ژی بزاڤا وی یا ژ کەل و ژ دل بو ڤەکرنا خویندگەهان ل دەڤەرا بەهدینا نەمازە ل گوندێ بامەرنێ و قەزا ئامێدیێ بوویە. ل دوی گۆتن دراڤێ دەرسدارا ل خویندگەها بامەرنێ ئانکو هەیڤانا وان سالا ژ ڕێڤە وی دایە کو سالا پاشتر میریێ دەرسدار بۆ خویندنگەهێ تەرخانکری نە. ژبلی هندێ ژی باش چاڤێ خو دایە شاگرد و دەرسدارا و تێکەلێ وان بوویە. ناڤبری ل سالا (1930) ێ بۆ نینەرێ (نائب) قەزا ئامێدیێ و ل سالا (1935) ێ نینەری یا وی بۆ هاتە ڤە نویکرن. ناڤبری ژ زانا و تێگەهشتی و ڕەوشەنبیرێت قەزا ئامێدیێ بوویە، خوشمرۆڤ و ئاخڤتن خوش بالبەر و جامێر، ل سەر خو نەمازە دسالێت دوماهیێ یا ژینا خو پاش کو دکەفتی بزاڤا وی ژی هەر وەکی دیار د دەمێ پیریێ دا بەرکێمی ڤە نەبو یە ژبەر هندێ ژی دڤێ ژیێ هەنێ دا دەست ب هۆزان ڤەهاندنێ کری یە. هەر ژبەر هندێ ژی ڕەنگە هۆزانێت وی یێت مایێ ل دوی هۆزانڤانێت دی کێم بن هۆزانێت ناڤبری ڤەهاندین ئەگەر چی کێمن بەلێ هەمی پر ڕامان و پەژنن و ب شەهرەزایێ و پسپۆرانە، ڤەهاندینە لێک ئیناینە، دارژتنە و سەنگادینە ژبۆ ئاموژگاری ڕێ نیشاندان پەسەندکرنا ڕەوشەنبیری و چارە سەرکرنا نەخۆشی یێت جڤاکی د مللەتێ کوردا ڤەهاندینە.غیاث الدین ل سالا (1944) ێ دەمێ جەنگێ دووێ جهانێ دونیا ڕوهن لێ تاری بوویە. دەستویریا دوماهیێ خازتی یە و چوویە بەر دلوڤانیا خودێ. نالبەندی دیروک ب مشەختی (1363) ێ دەست نیشان کری یە.
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 9,053 car hatiye dîtin