جۆرەکانی مزگەوت
ئەندازیار دانا شێخ سەڵاحەدین بەرزنجی
#17-08-2023#
- مزگەوتەکان دابەش دەبن بۆ سێ جۆر ئەمانیش، مزگەوتی نوێژگە (مسجد) و مزگەوتی هەینی (الجامع ) و مزگەوتی چەژن (العید) :
1- نوێژگە (مسجد) : ئەم جۆرە مزگەوتە خزمەتی ئایینی پێشکەش دەکات لەسەر ئاستی کۆڵان، وە تیایدا پێنج نوێژە فەرز و سونەتەکانی ڕۆژانە ئەنجام دەدرێت ، و دووری ماڵ بۆ ئەم جۆرە مزگەوتە 250مەترە. (بە مەبەستی ئەوەی هەر موسوڵمانێک (نێر سەروی 15 ساڵ) بتوانێت پێنج فەرزە نوێژەکانی ڕۆژانە بە کۆمەڵ ئەنجام بدەن، بەپێی ڕێنماییەکانی ئایینی)
2- مزگەوتی هەینی (الجامع): خزمەتی ئایینی پێشکەش بە دانیشتووان دەکات لەسەر ئاستی گەرەک، تیایدا جگە لە پێنج نوێژە فەرز و سونەتەکانی ڕۆژانە نوێژ و وتاری ڕۆژی هەینیش ئەنجام دەدرێت. دووری ماڵ بۆ ئەم جۆرە مزگەوتە 500مەترە. (بەمەبەستی ئەوەی زۆرترین موسڵمانان لە ساتی وتاری هەینی کۆببنەوە، بەپێی ڕێنماییەکانی ئایینی)
3- مزگەوتی چەژن (مسجد العید/مصلی): خزمەتی ئایینی پێشکەش دەکات لەسەر ئاستی شار یاخود کۆمەڵگەی نیشتەجێبوون، تیایدا جگە لە نوێژەکانی فەرز و سونەتی ڕۆژانە و نوێژ و وتاری ڕۆژی هەینی نوێژ و وتاری ڕۆژی چەژنیشی تیایدا ئەنجام دەدرێت. [1]
Têbînî: kurdîpîda bi hîvîye temamiya peyiv û destewajên kurdî bi hemî şêwezara bi pênasa rêzimanî ve û êxistina wan di nav rstê da kumbiket û wêneyi bu peyda biket , hîvîye hevkariya kurdîpîdiya biken...
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 6,771 car hatiye dîtin