خەندان عەلی ناجی
کۆمسیۆنی باڵای سەربەخۆی هەڵبژاردنەکان ئاشکرایکرد کە پارێزگای سلێمانی لە سەرپێچیکردنی بانگەشەی تایبەت بە هەڵبژاردنی ئەنجومەنی پارێزگاکان لە پێش پارێزگاکانی دیکەی هەرێمی کوردستانەوەیە.
قاسم دەراجی، یاریدەدەری سەرۆکی بازنەی هەڵبژاردن بۆ کاروباری هونەری و سەرپرشتیاری هەڵبژاردنی ئەنجومەنی پارێزگاکانی هەرێمی کوردستان بە خەندانی ڕاگەیاند: لیژنە هەمیشەییەکانی تایبەت بە چاودێریکردنی بانگەشەی هەڵبژاردنی ئەنجومەنی پارێزگاکانی هەرێم، سەرجەم پێشێلکارییەکانی ئه و بانگەشەیەی چاودێری کردووە و بەپێی ئامارەکانی بەردەستی، تا 12ی ئەم مانگە 37 سەرپێچی لە پارێزگای سلێمانی تۆمار کراوە و لەپێش پارێزگاکانی دیکەی هەرێمەوەیە.
سەبارەت بە پارێزگا و ناوچەکانی دیکەی هەرێمی کوردستان، قاسم دەراجی بەپێی ئامارەکانی بەردەستی لیژنە هەمیشەییەکانی تایبەت بە چاودێریکردنی بانگەشەی هەڵبژاردنی ئەنجومەنی پارێزگاکان ئاشکرایکرد کە لە پارێزگای دهۆک 31 و لە هەولێری پایتەختیش 18 سەرپێچی تۆمار کراون.
سەرپرشتیاری هەڵبژاردنی ئەنجومەنی پارێزگاکانی هەرێمی کوردستان لە کۆمسیۆنی باڵای سەربەخۆی هەڵبژاردنەکان وتیشی کە لیژنە هەمیشییەکانیان بەردەوامن لە چاودێریکردن و تۆمارکردنی سەرپێچی و پێشێلکارییەکان و بەرزکردنەوەی بۆ ئەنجومەنی کۆمسیاران تا بڕی ئه و سزا ماددییە دیاری بۆ ئه و لایەنە دیاری بکرێت کە سەرپێچیی کردووە.
- 19-04-2014
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 4,036 car hatiye dîtin
Raya xwe li ser vî babetî binivîsin!