وەزیری وزەی تورکیا ڕایگەیاند، کە دوازدەیەمین کەشتییە نەوتی هەرێمی کوردستان لە بەندەری جەیهانەوە بۆ بازاڕەکانی جیهان بارکرا و تاوەکو ئێستاش 8.8 ملیۆن بەرمیل نەوت ڕەوانەکراون.
تانەر یڵدز، وەزیری وزەی تورکیا لەگەڵ وەزیری گەیاندنی ڤەنزوێلا کۆبووەوە و دوای کۆبوونەوەکە لە کۆنفرانسێکی ڕۆژنامەوانیدا وەڵامی ڕۆژنامەنووسانی دایەوە و ئاشکرایکرد: "12هەمین کەشتییە نەوتی هەرێمی کوردستان لە بەندەری جەیهانەوە بۆ بازاڕەکانی جیهان بارکرا و تاوەکو ئێستاش 8.8 ملیۆن بەرمیل نەوت ڕەوانەکراون".
یڵدز ئەوەشی ئاشکراکرد، کە ڕۆژانە 180-190 هەزار بەرمیل نەوت لە ڕێگەی بۆری کەرکووک - یەرمووک هەناردە دەرکرێت، 2 هەفتە بەر لە ئێستاش بەهۆی ئەو چاککارییانەی لە بۆرییەکەدا کراون دەتوانرێ توانای هەناردەکردنی ئەو هێڵە نەوتییە بۆ 200-220 هەزار بەرمیل بەرز بکرێتەوە.
وەزیری وزەی تورکیا گوتیشی، "لەنێو عەمبارەکانی بەندەری جەیهان 300-350 هەزار بەرمیل نەوتی هەرێمی کوردستان هەیە و ئێستا ئەو بڕەش ئامادەیە بۆ هەناردەکردن".
دوێنێش 11هەمین کەشتی لە بەندەری جەیهانەوە ڕەوانە کراو، پڕۆسەی هەناردەکارییەکەش لە مانگی 5 ی ئەمساڵەوە دەستیپێکردووە.
- 29-08-2014
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 2,352 car hatiye dîtin
Raya xwe li ser vî babetî binivîsin!