رەهێل سەمەد
بەراورد بە ساڵی ڕابردوو لە سنوری پارێزگای هەولێر، ڕێژەی ئەو کرێکارانەی لەسەر کارەکانیان گیانیان لەدەستدەدەن، کەمیکردووە.
بەرپرسێکی سەندیکاکانی کرێکارانی کوردستان ڕایدەگەیەنێت: بەهۆی قەیرانی دارایی و کەمیی پرۆژەکانەوە، ڕووداوەکانی کەوتنی کرێکار و گیان لەدەست کەمبۆتەوە.
حەسەن ڕەمەزان لێپرسراوی ڕاگەیاندنی لقی هەولێری سەندیکاکانی کرێکارنی کوردستان بە خەندانی ڕاگەیاند: ڕێژەی ڕووداوەکانی کەوتنی کرێکاران و گیان لەدەستدانیان لەسنوری پارێزگای هەولێر کەمیکردووە ئەویش بۆ دوو هۆکار دەگەڕێتەوە.
حەسەن ڕەمەزان وتیشی: لەساڵی ڕابردوو لە سنوری پارێزگای هەولێر 33 کرێکار لەسەر کارەکانیان گیانی لەدەستدا، بەڵام ئەمساڵ تاکو ئێستا تەنها نۆ کرێکار بەهۆی ڕووداوەکان لەسەر کارەکانیان گیانیان لە دەستداوە.
لێپرسراوی لقی هەولێری ڕاگەیاندنی سەندیکاکانی کرێکاران ئەوەشی خستەروو: یەکێک لە هۆکارەکانی کەمبونەوەی ڕووداوەکانی بەربونەوە و کەوتنی کرێکاران بۆ کەمی پرۆژەکان دەگەڕێتەوە کە ئەمساڵ بەهۆی قەیرانی دارایی کەمتر پرۆژەی دروستکردنی باڵەخانە ئەنجامدراوە.
روونیشیکردەوە: هۆکاری دووەم پەیوەندی بە ڕێنمایی سەندیکاکانی کرێکارانی کوردستانەوە هەیە کە پێشتر لەبارەی باشترکردنی شوێنی کاری کرێکاران ئاراستەی خاوەن کار و پرۆژەکانی کردبوو.
- 26-10-2014
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 6,965 car hatiye dîtin
Raya xwe li ser vî babetî binivîsin!