بەپێی ڕاپۆرتی لیژنەی بەدواداچوونی هاتوچۆ و تەلەفکردنی پسووڵەی نەوت وبەنزین و گاز لە سنووری پارێزگای سلێمانی لەماوەی 10 مانگی ڕابردوودا 790 هەزار و 251 خێزان نەوتی پێگەیشتووە، بری 170 ملیۆن و 686 هەزار و 440 لیتر نەوت دابەشکراوە.
لە لێدوانێکی نووسراودا کە وێنەیەکی بۆ خەندان نێردراوە، تیایدا ڕائید جەلال ئەحمەد، سەرۆکی لیژنەی هاتوچۆ و و تەلەفکردنی پسوڵەی نەوت و بەنزین و گاز بەدواداچونی لە لیژنەهاوبەشەکانی قایمقامیەتی سلێمانی ڕایگەیاند: پاش سەردانکردنی لیژنەکەیان لە ماوەی 10 مانگی ڕابردوودا لە 1-1 تا 1-11-2014، بەردەوام سەردانی کۆگاکانی دابەشکردنی سوتەمەنی و سەندیکا و بازگەکانیان کردووە و ڕێنمایان پێداون بۆ ئەوەی لە کاتی خۆیدا و بەبێ گرفت سوتەمەنی بگاتە دەستی هاوڵاتیانی شاری سلێمانی و قەزاو ناحییەکان.
وتیشی: "بەهۆی سەردانکردن و بەدواداچوونکردنیان سەرپێچییەکان بەشێوەیەکی بەرچاو کەمی کردووە، بەجۆرێک لە ماوەی 849 سەرداندا تەنها 25 پسوڵەی نەوت دەستی بەسەردا گیراوە و سێ شۆفێریش بەهۆی سکاڵای هاوڵاتیانەوە ڕووبەرووی دادگا کراونەتەوە".
هەروەها ئاماژەی بەوەشکرد: لیژنەکەیان ڕێگری دەکات لە فرۆشتنی نەوت و بەنزین بە شێوەیەکی نایاسایی لەم ساڵدا دەست گیراوە بەسەر 830 دەبە بەنزین کە لەسەر شەقامەکان بەشێوەیەکی نایاسایی دەفرۆشرێت.
سەرۆکی لیژنەکە ڕاشیگەیاند: هەرخێزانێک ساڵانە دوو پسوڵە وەردەگرێت و بۆ هەر پسوڵەیەکیش 216 لیتری نەوتی پێدەدرێت و تا ئێستا 790 هەزار و 251 خێزان نەوتی پێگەیشتووە، بری 170 ملیۆن و 686 هەزار و 440 لیتر نەوت دابەشکراوە. بۆ ئەوەی هاوڵاتیان لەکاتی خۆیدا بڕی سوتەمەنی دیارکراوی پێبگات گەڕان و بەسەرکردنەوەکانیان بەردەوام دەبێت.
- 10-11-2014
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 3,580 car hatiye dîtin
Raya xwe li ser vî babetî binivîsin!