رۆژنیوز ئارێز گەرمیانی
بەرپرسێکی ئەمنی باس لە هەوڵەکانی پاککردنەوەی ناحیەی جەلەولا دەکات لە بۆمبە چێنراوەکانی چەتەکانی داعش و ئاماژەش بەوە دەکات تیمەکانی سەر بە هێزەکانی ئاسایش و پێشمەرگ توانیویانە زیاتر لە (400) بۆمبی چێنراو پوچەڵ بکەنەوە و قوربانیشیانداوە.
رائید فەرهاد ڕەفعەت بەرپرسی تاوانە گەورەکان لە خانەقین بە (رۆژنیوز) ی گوت : لە دوای ئازادکردنی ناحیەی جەلەولا لەلایەن هێزەکانی پێشمەرگەی کوردستان تیمەکانی هێزەکانی ئاسایش بە دوو تیم خەریکی پوچەڵکردنەوەی ئه و بۆمبە چێنراوانەن کە چەتەکانی داعش لە ماوەی دەسەڵاتی خۆیان دایانناوە.
وتیشی" له و کاتەوەی کار لە هەڵگرتنەوەی بۆمبەکان دەکەن تا ئێسیتا نزیکەی 400 بۆمبیان پوچەڵ کردوەتەوە و ئەمە جگە لەوەی ژمارەیەک بۆمب هەن بە شێوەی مۆدێڕن دانراون و بە کارەبای ناو دەبرێن، تا نزیک نەبیتەوە لێی ناتەقێتەوە و پوچەڵکردنەوەی ئەم بۆمبانە هاوشێوەی ئەوانی ترنیە و تا ڕادەیەک زەحمەتە و لە ئاکامی پوچەڵکردنەوەی ئه و بۆمبانە تا ئێستا دوو ئەفسەری هێزەکانی پێشمەرگە لە هێزی پشتیوانی دوو شەهید بوونە".
بەرپرسی تاوانە گەورەکان ئاماژەی بەوەشدا" لە دوای نزیکەی 15 ڕۆژ لە ئازادکردنی ناحیەی جەلەولا تا ئیسشتا ئه و تیمانە توانیویانە 90% بۆمبەکانی نێوو ناحیەکە پوچەڵ بکەنەوە بە تایبەت ئەوانەی کە دیارن و دەبینرێن".
داعش لەوەی پتر لە سێ مانگی تەمەنی خویدا لەناو ناحیەی جەلەولا بە پلەی یەک کاری دانانی بۆمبی چێنراو بووە بۆ ئه و هێزانەی کە دوای ئازادکردنی جەلەولا دەچنە ناو ئه و ناحیەکەوە.
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 4,435 car hatiye dîtin
Raya xwe li ser vî babetî binivîsin!