لە ڕۆژی 11-12-2014 و تا ئەمرۆ، چوار ڕۆژە ڕۆژنامەنووس دلێر عەبدوڵڵا محمد بە فرمانێکی بنکەیەکی پۆلیس و دادگایەکی شاری هەولێر بە پێی ماددەی 9 لەیاسای ژمارە 35 ی ڕۆژنامەنووسی، ئەو ڕۆژنامەنووسە لەشاری سلێمانی دەستبەسەرە، لە کاتێکدا یاسای ژمارە 35 دەستگیرکردنی ڕۆژنامەنووسی تێدا نەهاتوە..
لەسەردانی ئێمەدا بۆ بنکەی پۆلیسی ڕزگاری و بەندیخانەی گرتن و گواستنەوە لە شاری سلێمانی بۆمان دەرکەوت کە فرمانی دەستگیرکردنی ئەم ڕۆژنامەنووسە لە شاری هەولێر دەرچوەو داوا لە پۆلیس و دادگای سلێمانی دەکات ناوبراویان بۆ دەستگیر بکەن، واتە فرمانی دەستگیرکردن گەیشتوەتە شاری سلێمانی نەک لێکۆڵینەوە، لەکاتێکدا ئێمە وەک لقی سلێمانی سەندیکای ڕۆژنامەنووسانی کوردستان لەم بڕیارە ئاگادار نەکراوینەتەوە و ناشزانین ئەمە بە چ یاساو پێوەرێک ئەنجام دراوە..
لەکاتێکدا گرتنی ڕۆژنامەنووس دلێر عبدالله بە پێشێلکردنی زەق و ئاشکرای کاری ڕۆژنامەنووسی وئازادی و ئازادی وتن لە قەڵەم دەدەین، داواکارین لە دادگاکان چیتر سەروەری و ئازادیی ڕۆژنامەنووسان پێشێل نەکەن و هیوادارین ئەنجومەنی دادوەری لە هەرێمی کوردستان لەمە زیاتر ڕێگە بە پێشێل کردنی یاسای ژمارە 35 نەدات و سنوورێک بۆ دەستگیرکردنی ڕۆژنامەنووسان لە چوارچێوەی ئەو یاسایەدا بپارێزێت..
لقی سلێمانی سەندیکای ڕۆژنامەنووسانی کوردستان
14-12-2014
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 5,530 car hatiye dîtin
Raya xwe li ser vî babetî binivîsin!