ئەفسەریکی بەڕێوەبەرایەتی بەرگری شارستانی هەولێر ڕایدەگەیەنێت، لەماوەی دوو هەفتەی ڕابردوودا ژمارەیەک ئۆتۆمبێل لەسنوری پارێزگای هەولێر سوتاون هۆکارەکەشی بەهۆی خراپی بەنزینەوە بووە.
کافی عەبدولقادر، ئەفسەر لەبەڕێوەبەرایەتی بەرگری شارستانی هەولێر بە خەندانی ڕاگەیاند: "لەماوەی دوو هەفتەی درابردوودا سێ ئۆتۆمبێل لە سنوری پارێزگای هەولێر گڕیانگرتووە هۆکارەکەشی خراپی جۆری بەنزین بووە".
وتیشی: "گڕگرتنی ئه و ئۆتۆمبێلانە لەکاتی گۆڕینی (فیوت پەمپ)ەکانیان بووە، کە بەهۆی خراپی جۆری بەنزینەوە لەکارکەوتوون".
ئه و ئەفسەرەی بەرێوەبەرایەتی بەرگری شارستانی هەولێر ئاماژەی بەوەشکرد: "له و ڕووداوانەدا هیچ زیانێکی گیانی لێ نەکەوتۆتەوە، بەڵکو تەنها زیان بە ئۆتۆمبێلەکان گەیشتووە".
ماوەیەکە بەهۆی خراپی جۆری بەنزین لە هەرێمی کوردستان ژمارەیەکی زۆر لە ئۆتۆمبێلی هاوڵاتیان لەکارکەوتوون، هۆکارەکەشی بۆ هاتنی بەنزینی خراپ لەدەرەوەی هەرێم و نۆژەنکردنەوەی پاڵاوگەکانی نەوت دەگەڕێتەوە، بۆ ئەومەبەستە حکومەتی پەرلەمان هەوڵەکانیان دەستپێکردوە بۆ چارەسەرکردنی ئه و گرفتە.
- 19-05-2015
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 4,729 car hatiye dîtin
Raya xwe li ser vî babetî binivîsin!