ڕۆژنیوز - ئومێد دارا
بەڕێوەبەری چاودێری و گەشەپێدانی کۆمەڵایەتی شارەزوور دەڵێت، 776 منداڵی بێسەرپەرشت لە بەڕێوەبەرایەتییەکان تۆمار کراون. سالار فەتاح بەڕێوەبەری چاودێری و گەشەپێدانی کۆمەڵایەتی شارەزوور بە ڕۆژنیوزی ڕاگەیاند:" لەو ڕێژەیە 328 منداڵیان بەهۆی جیابوونەوەی دایک و باوکیان بێسەرپەرشت بوون و 446 منداڵیشیان بەهۆی مردنی دایک یان باوکیانەوە بێسەرپەرشت بوون. بەڕێوەبەری چاودێری و گەشەپێدانی کۆمەڵایەتی شارەزوور وتیشی:" تێکڕای سودمەندانی خاوەن پێداویستی تایبەت کە لەخوار 18 ساڵەوەن بریتیە لە 1023 منداڵ، لەگەڵ 55 سودمەندی چاودێری خێزان کە لەخوار 18 ساڵەوەن". ئاماژەی بەوەشکرد کە ئەرکی بەڕێوەبەرایەتییەکەی ئێمە چاودێری و گەشەپێدانە، واتە ئەرکی ئێمە ئەوەنیە تەنها کۆمەکێکی ماددی بەو کەسانە ببەخشین، ئێمە دەمانەوێت وابکەین خەڵکانێک کە هەژارن و توانای پەیداکردنی داهاتێکیان نیە، ئەو ڕێکارانەی لەگەڵ بەکاربهێنین بۆ ئەوەی لەسەرپێی خۆی بووەستێت و گەشە بەتواناکانی بدات و خۆی بتوانێت زیاد لەوەش کە حکومەت پێی دەدات دابینی بکات بۆخۆی، هاوشێوەی ئەو خاوەن پێداویستیە تایبەتیانەی لەجیهاندا هەن، نەک خۆیان بەخێودەکەن بەڵکو سەرچاوەی داهاتیان ئەوەندەیە ئومێد بە خەڵکی تریش دەبەخشن.
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 7,921 car hatiye dîtin
Raya xwe li ser vî babetî binivîsin!