بەتوندی ئیدانەی بەردەوام بوونی بۆردومانەکانی فڕۆکەکانی تورکیا بۆ سەرخاکی هەرێمی کوردستان دەکەین بەتایبەتی ئەو بۆردومانانەی ئەمڕۆ بۆ سەر گوندەکانی بناری قەندیل کە شەهیدبوون و برینداربوونی چەندین هاووڵاتی لێکەوتەوە، بۆیە داوای ڕاگرتنی دەستبەجێی بۆردومانەکان و قەرەبووکردنەوەی زیانلێکەوتووانیش دەکەین، داواش دەکەین هەرچی زووە لایەنەکان بگەڕێنەوە بۆ درێژەدان بەپڕۆسەی ئاشتی.
جگە لەشەهیدبوون و برینداربوونی هاووڵاتیان، جگە لەڕووخانی خانوو و سووتانی ڕەزو باخی هاووڵاتیان و زیانگەیاندنی زۆر بەناوچەکە، بەردەوام بوونی بۆردومانەکان بۆتە هۆی ئەوەی کە دانیشتووانی ئەو ناوچانە بەناچاری ماڵ و حاڵی خۆیان بەجێبهێڵن و ئاوارە ببن، بۆیە داواکارین هەرچی زووە کۆمەڵگەی نێودەوڵەتی و ڕێکخراوەکانی مافی مرۆڤیش بێنە دەنگ و کار بۆ ڕاوەستانی ئەو بۆردومانانەو ڕاگرتنی قەتڵوعامی هاووڵاتیان و ئاوارەبوونی دانیشتووانی ئەو ناوچانە بکەن.
عیماد ئەحمەد
وتەبێژی مەکتەبی سیاسیی یەکێتیی نیشتمانیی کوردستان
01-08-2015
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 4,406 car hatiye dîtin
Raya xwe li ser vî babetî binivîsin!