خەندان - هەردی حەسەن
بە هۆی باران بارینەوە لە سنووری ئیدارەی ڕاپەڕین نزیکەی 10 تەن لە گەنمی وەرگیراوی جوتیاران لە ناوەندی وەرگرتنی گەنم و جۆ لە ناحیەی چوارقوڕنە تەڕ دەبێت.
ئەندازیاری کشتوکاڵی ساڵح حسێن بەڕێوبەری کشتوکاڵی ڕانیە بە خەندانی ڕاگەیاند: "لە سنوری ئیدارەی ڕاپەڕین لە ماوەی دوو ڕۆژدا 36 کاتژمێر باران باریووە کە کۆی گشتی ئه و بارانە 17 ملم بووە به و هۆیەشەوە لە کۆی 25000 تەن گەنم نزیکەی 10 تەنی لە ناوەندی وەرگرتنی گەنم و جۆ لە ناحیەی چوارقوڕنە تەڕبووە ".
وتیشی: "لە سەرەتای پرۆسەی وەرگرتنی گەنم و جۆ لە جوتیاران 48500 تەن گەنم لەم ناوەندەدا وەرگیراوە کە خۆشبەختانە 23500 تەن گەنم ڕەوانەی ئاشەکانی سلێمانی کراوە، بەڵام تەواونەکردنی سایلۆی چوارقوڕنە بۆتە هۆکار کە ئەم بڕە گەنمە له و دەشتەدا کۆکراوەتەوە کە مەترسی خراپ بوونی لێ دەکرێت و بە هۆی بارانی چەند ڕۆژی ڕابردووەوە بەشێکی لێ تەڕبووە ".
بەڕێوبەری کشتوکاڵی ڕانیە ئاماژەی بەوەشکرد کە، "سایلۆی چوارقوڕنە لە %90ی کارەکانی تەواو بووە بە هۆی قەیرانی داراییەوە کارەکان تێیدا ڕاگیراوە بۆیە پێویستە ئیدارەی ناوچەکە هەوڵی جدی بدەن کە بودجەیەک بۆتەواوکردنی سایلۆکە پەیدابکەن بۆئەوەی لە داهاتوودا بەهۆی بارانەوە ئه و بڕەگەنمەی کە ماوە تەڕنەبێت".
جێی باسە دوێنێش خەندان لە هەواڵێکی وێنەییدا ئەوەی بڵاوکردەوە کە لە قەزای سەیدسادق بەهەمانشێوە بەهۆی باران بارینەوە بڕێکی زۆر لە گەنمی جوتیاران زیانی بەرکەوتووە.
- 08-09-2015
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 14,242 car hatiye dîtin
Raya xwe li ser vî babetî binivîsin!