وەزیری کشتوکاڵ و سەرچاوەکانی ئاوی حکومەتی هەرێمی کوردستان ڕایدەگەیەنێت، هەرچەندە قەیرانی دارایی ڕووی کردۆتە هەرێمی کوردستان، بەڵام لەگەڵ بوونی ئەم قەیرانە توانراوە بۆ ئەم ساڵ بڕی 32 ملیار دینار دابینبکرێت بۆ کەرتی کشتوکاڵ و سەرچاوەکانی ئاو.
عەبدولستار مەجید، وەزیری کشتوکاڵ و سەرچاوەکانی ئاوی حکومەتی هەرێمی کوردستان لە مەراسیمی یەکەمین ڤێستیڤاڵی هەنار، ڕایگەیاند: "هەرچەندە قەیرانی دارایی بەرۆکی حکومەتی هەرێمی گرتووە، بەڵام توانیومانە تاڕادەیەکی باش خزمەتی ئەم کەرتە بکەین و حکومەتی هەرێمی کوردستان ڕاستەوخۆ پەیوەندی بە داواکاری و جێبەجێ کردنی داواکاری هاوڵاتیانەوە هەیە".
وتیشی: "لەگەڵ بوونی ئه و قەیرانە داراییەی کە ڕووی کردۆتە هەرێمی کوردستان توانراوە بڕی 32 ملیار دینار بۆ کەرتی کشتوکاڵ و سەرچاوەکانی ئاو دابین بکرێت کە خۆی لە پاڵپشتی کردنی جوتیاران و بەرهەمە ناوخۆییەکان دەبینێتەوه و لەم بڕە پاریەشدا بڕی 12 ملیار دینار بۆ بنەتۆوی گەنم دیاریکراوە، یەک ملیارو 800 ملیۆن دینار بۆ بەرهەمی پەتاتە کە ئەم ساڵ بەرهەمی پەتاتە چووە ئاستێکی زۆر باشەوه و ماوەی دووساڵە هەرێم پەتاتە هەناردەی دەرەوە دەکات، هەروەها توانراوە هەر ئەم ساڵ سێوی بەرواری هەناردەی دەرەوەی هەرێم بکرێت".
وەزیری کشتوکاڵ ڕاشیگەیاند: "هەر له و 32 ملیار دینارە، توانراوە بڕی 2 ملیار دینار بۆ قڕکەرەکان دابین بکرێت و 3 ملیار بۆ دەرمان و فاکسین دابینکراوه و 6 ملیار بۆ ئالیک و یەک ملیارو نیو بۆ پاڵپشتی گەنمەشامی و چوار ملیار دینار بۆ بواری پەلەوەری و یەک ملیارو نیویش بۆ گواستنەوەی هەنارو ترێ و سێو دابینکراوە".
- 04-11-2015
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 7,813 car hatiye dîtin
Raya xwe li ser vî babetî binivîsin!