هاوکاتی ئەو بارگرژی و کارەساتانەی بەهۆی کێشمەکێشی وولاتانی زلهێزی دنیاو ناوچەکەو بەناو شەری دژی داعشەوە، باڵی بەسەر ناوچەی ڕۆژهەڵاتی ناوەراستدا کێشاوە، هێزە چەکدارو ئەمنیەکان و پۆلیسی تورکیا پەلاماری هەندێک لە شارە کوردنشینەکانی تورکیا دەدەن و بارودۆخی نائاساییان ڕاگەیاندوە. بەبیانوی بەرەنگاربوونەوەی تیرۆرو هێزەکانی پەکەکەوە دەیان کەسیان بەشێوەیەکی هەڕەمەکی کوشتوەو سەدان کەسیشیان زیندانی و بریندارکردووە. خەڵکی ئەو شارو شارۆچکانەی بوونەتە بەرەی جەنگ لە بارودۆخێکی ژیان و گوزەرانی کارەساتبارو تراژیدیدا دەژی حکومەتی فاشیست و کۆنەپەرستی تورکیا کە حیزبی دادو گەشەپێدانی ئیسلامی بەڕێوەی دەبات، شەڕێکی ئاشکرای لەدژی خەڵکی مەدەنی کوردستانی تورکیا ڕاگەیاندوەو دەیەوێ سیاسەتی کۆنەپەرستانە و بەرژەوەندیەکانی خۆی بەشێوەی زەبرو زەنگ و تۆقاندن بەئاکام بگەیەنێ. ئەم سیاسەتە جەنگخوازیەی دەوڵەتی تورکیا دژی هاوڵاتیانی ناوچە کوردنشینەکان بەردەوامی و ئەڵقەیەکی دیکەی سیاسەتی کۆنەپەرستانەو هێزنواندنە لەئاستی ناوخۆی وڵات و ناوچەکەدا کە نەک دژی تیرۆر نیە، بەڵکو ئەو دەوڵەتەشی کردۆتە پشتیوانێکی ئاشکرای گروپی تیرۆریستی داعش. ئێمە لەحیزبی کۆمۆنیستی کرێکاریی کوردستان لەکاتێکدا سیاسەتی تۆڵەسەندنەوەو تیرۆری بە کۆمەڵی هاوڵاتیانی کوردستانی تورکیا لەلایەن دەوڵەتی تورکیاو هێزە سەربازی و ئەمنیەکانیەوە بە تاوانێکی ڕێکخراو دژی هاولاتیانی مەدەنی دادەنێین و بەتوندی ئێدانەی دەکەین، هاوکات ئەو حزب و لایەنە کوردیانەی بەرژەوەندی سیاسی خۆیان لەوەدا دەبیننەوە کە چاوپۆشی لەم تاوانەی دەوڵەتی تورکیا بکەن، ڕیسوا دەکەین. هەروەها دەبێت حکومەتی ئەکەپەو دەوڵەتی کۆنەپەرستی تورکیا بەرامبەر بەو تاوانەیان ڕوبەرووی نارەزایەتی خەڵکی ئازادیخواز و لێپێچینەوەی یاسایی ببنەوە.
حیزبی کۆمۆنیستی کرێکاریی کوردستان
25-12-2015
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 5,007 car hatiye dîtin
Raya xwe li ser vî babetî binivîsin!