من ناوم فازڵە ساڵی 1955 لە دایک بووم. خوێندنی سەرەتایی و ناوەندیم لە شاری #سنە#دا بووە. (یەک ساڵ ئەویش 1970 لە شاری #کرماشان# خوێندومە) . لە ساڵی 1973 بۆ خۆێندنی زانکۆ چوومەتە شاری ڕەشت لە باکووری ئێران و بەشی بازرگانیم خوێندووە، لە ساڵی 1977پاش کوتایی هاتن بە خوێندن گەڕاومەتەوە بۆ شاری سنە و زیاتر بەکاروباری سیاسییەوە سەرقاڵ بووم. لە ساڵی 1979 لە پاش شۆڕشی ئێران لەگەڵ کۆمەڵێک لە دۆستان و هاوڕییان کوڕی گەشەپیدانی زمان و ئەدەبی کوردیمان دامەزراند. لە ساڵی 1980 کۆماری ئیسلامی ئێرانی هێرشی کردە سەر کوردستان، هەر بۆیەش لەو ساڵەوە هەتا ساڵی 1990 وەکوو پێشمەرگەیەک لە ڕیزی #کۆمەڵە#دا، لە هەموو ناوچەکانی کوردستان هەر لە هەورامانەوە هەتا ورمێی خەباتم کردووە. لە ساڵی 1990دا وەک پەنابەر هاتوومەتە ئەوروپا و لە سوید نیشتەجێبووم. لە سویدیشدا جارێکی تر دەستم داوەتە خوێندن و لە ساڵی 1998 بەشی ئەندازەیاریم لە زانکۆی چاڵمێرس (Chalmers) تەواوکردووە و لە ساڵی 1999 شەوە وەکوو ئەندازەیار خەرێکی کارم. [1]
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 9,937 car hatiye dîtin