لە بنەماڵەیەکی جووتیار و زەحمەتکێش ساڵی 1957 لە گوندی گۆپیتەی بناری گڵەزەردە چاوی بە دنیا هەڵهێناوە. بە هۆی زوڵم و زۆری داگیرکەرەوە گیانی شۆڕشگێری لەناخیدا سەوز دەبێت. بڕیار دەدات کە چەکی شۆڕشگێڕی بکاتە شان و ببێتە یەکێک لە پێشمەرگەی مەفرەزە سەرەتاییەکان و ساڵی 1978 پەیوەندی دەکات بە کۆمەڵەی ڕەنجدەرانی کوردستانەوە، دواتر لەناو ڕیزەکانی #یەکێتیی نیشتمانیی کوردستان#دا درێژە بە پێشمەرگایەتی دەدات. بە هۆی ئازایەتی و کارامەیییەوە دەبێتە فەرماندەی مەفرەزە. دواتر دەکرێتە فەرماندەی کەرتی 2 ی بازیان لە تیپی 57 ی سەرگرمە.
پێشمەرگەیەکی ئازا و فەرماندەیەکی لە خۆبردوو نەبەرد بووە هەمووکات ئامادەی سەنگەری بەرگری بووە و بەشداری شەڕی پارتیزانی هەرێمەکەی کردووە و هەمیشە بە شانازی و بەو پەڕی بڕوا بە خۆبوونەوە ئەرکەکانی سەرکردایەتی جێبەجێکردووە. لە ژیانی پێشمەرگایەتییدا 5 جار بریندارکراوە. لە ڕۆژی 26-01-1990 لەلایەن کۆمەڵێک خۆفرۆش و بەکرێگیراوەوە شەهید دەکرێت.. هەمیشە ئەم وتەیەیی دووبارەکردووەتەوە: (پێشمەرگە مرۆڤی مردنە، بۆیە تا دەژی خۆشییەکانی ژیانی بە نارنجۆکی باوەڕی نەسف دەکات.)
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 10,513 car hatiye dîtin
Raya xwe li ser vî babetî binivîsin!