دواڕۆژ، بورهان یەحیا
دەڤەردارێ شنگال ئاماژەى ب هندێ ددەت کو؛ 20% ژ ئاخا قەزا شنگال د دەست داعش دا مایە کو دبنە 2 ناحیە و 5 کۆمەلگەهێن مەزن و نێزیکى 20 گوند کو ب شێوەیەکێ گشتى ل ڤان جهان پێشتر نێزیکى 125 هزار کەس لێ دژیان.
مەحما خەلیل دەڤەردارێ شنگال بۆ دواڕۆژ زەلالکر کو؛ "ناحیێن گرعزێر و قێرەوان و هەر پێنج کۆمەلگەهێن سیبا شێخ خدر، گرعزێر، گرزەر، تل بەنات و تل قەس و نێزکى 20 گوندێن دى کو دبنە 20% ژ گشت رووبەرێ قەزا شنگال هێشتا د دەست چەکدارێن داعش دانە و دهێتە پێشبینیکرن د قۆناغا دووێ ژ پرۆسەیا رزگارکرنا مووسل ئەڤ دەڤەرە ژى ژلایێ پێشمەرگەى ڤە بهێنه کونترۆلکرن".
مەحما خەلیل خویا دکەت کو؛ "بەرى داعش بچیتە د کۆمەلگەها سیبا شێخ خدر دا نێزیکى 27 هزار کەس لێ دژیان و هەر هەموو کوردێن ئێزدى بووینە و ئەگەر بهێنە رزگارکرن دێ هەموو بزاڤ هێنەکرن کو دوبارە ژیان بۆ وان جهان بزڤریت".
دەڤەردارێ شنگال زەلالکر کو؛ "فەرماندەهییا چیایێ شنگال یا پێشمەرگەى ل هەموو شەڕان دا بەشدار بوویە و بارێ گران لسەر ملێ وانە و دهێتە پێشبینیکرن ژى کو ل شەرێ رزگارکرنا دەڤەرێن مایى ژ شنگال رۆلەکێ مەزنتر بگێرن".
- 30-10-2016
Ev babet bi zimana (کرمانجی) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Ev babet 10,935 car hatiye dîtin
Raya xwe li ser vî babetî binivîsin!