دەستگیرکردنی هاوسەرۆکانی پارتی دیموکراتی گەلان HDP و ژمارەیەک لە پەرلەمانتارانی ئەو پارتە یاساییەی تورکیا، نیگەرانی کردین. لەوباوەڕەداین کە ئەوە بارودۆخی تورکیا تووشی ئاڵۆزی دەکات، بۆیەش داوا دەکەین هاوسەرۆک و پەرلەمانتارانی HDP ئازاد بکرێن و بە شێوەیەکی هێمن مامەڵە لەگەڵ بارودۆخەکەدا بکرێت و ڕێز لە ئیرادەی ئەو دەنگدەرانەی تورکیا بگیرێت کە ئەوانیان هەڵبژاردووە. هەروەها داوا لە HDPەیش دەکەین وەک پارتێکی یاسایی لە تورکیا، لە چوارچێوەی یاساکانی تورکیادا هەڵسوکەوت بکات.
لە هەمان کاتدا تەقینەوەکەی دیاربەکر پرۆتەستۆ دەکەین کە بووە هۆی گیانلەدەستدانی ژمارەیەک خەڵکی سڤیل و پۆلیس. داوا دەکەین لەپێناو بەرژەوەندیی هەموو لایەکدا، دەست بە پرۆسەیەکی مەدەنی و ئاشتیانە لەپێناو چارەسەرییەکی ڕاستەقینەدا، بکرێتەوە.
نێچیرڤان بارزانی
سەرۆک وەزیرانی هەرێمی کوردستان
05-11-2016
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 5,097 car hatiye dîtin