مامۆستایانی بەڕێز
قوتابیانی خۆشەویست
ئەمشەو دوا ساتەکانی ساڵی (2016)ی زایینی بەڕێ دەکەین و دەچینە ساڵی (2017). ئەمساڵمان قورس بوو، ساڵێک کە خوێنی دەیان پێشمەرگە قارەمانەکان بۆ پاراستنی کوردستانە خۆشەویستەکەمان لە دەست تیرۆریستانی تاریکپەرەست بەخشرا، ئەو تیرۆریستانەی چاویان بە پێکەوە ژیان و گەشەسەندنی هەڵنایێت.
ساڵێکی قورسیش بوو بۆ کەرتی پەروەردە و مامۆستایانی بەڕێز ژیانێکی قورسیان تێپەڕاند، بەڵام گەورەیی خۆیان نواند و ڕێگەیان نەدا ڕۆڵەی شەهید و پێشمەرگە و هاوڵاتیانی کوردستان بێ خوێندن بمێننەوە و ئەوەیشی کە خۆنەویستانە ڕووی دا، وا ئێستا هەموومانی تەیار کردووە تا بە نوێبوونەوەی ساڵ، دەرگای قوتابخانەکان بە گوڕ وتینی زۆرترەوە بە ڕووی قوتابی و خوێندکاراندا بکەینەوە.
سوپاسی هەموو دەزگا میدیایی و ڕۆژنامەنووسییەکان دەکەین کە کەم تا زۆر هاوکاری کەرتی پەروەردە و ئێمە بوون و بە بەهاوە بایەخیان بەم کەرتە داوە و تێگەیشتوون کە ئەوانیش بەشێکن لەم پڕۆسە گرنگەی ژیان.
هیوادارین ساڵی نوێیمان، ساڵی نەمانی ئاریشە و قەیرانی ئابووری بێت و کوردستانی خۆشەویستمان بە خەونی سەدان ساڵەی خۆی واتە (سەربەخۆیی) بگات.
31-12-2016
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 9,018 car hatiye dîtin
Raya xwe li ser vî babetî binivîsin!