ڕۆژنیوز هاوکار مستەفا
سەرپەرشتیاری مەرزی نێودەوڵەتی باشماخ ئاماژە بەوە دەکات لە ساڵی ڕابردودا و لە مەرزی نێودەوڵەتی باشماخەوە، بڕی 170 ملیار دینار وەک داهات دەست حکومەتی هەرێم کەوتووە.
مەرزی نێودەوڵەتی باشماخ بە یەکێک له و مەرزە فەرمیانە دادەنرێت کە لەنێوان حکومەتی هەرێم و ئێراندا کراونەتەوە و ساڵانە بە هەزاران گەشتیاری ئێرانی و کورد هاتوچۆیان پیادا دەکەن و ساڵانەش ڕێژەیەکی زۆر داهاتیان لێوە دەستدەخرێت.
ئەزوەر مەحمود، سەرپەرشتیاری مەرزی نێودەوڵەتی باشماخ، ئەمڕۆ لە لێدوانێکی تایبەتدا لەسەر ئاماری ساڵانەی مەرزی باشماخ، بە ڕۆژنیوزی ڕاگەیاند: بە بەراود بە ساڵی ڕابردوو ڕێژەی داهات لە مەرزی نێودەوڵەتی باشماخ بە ڕێژەی %30 کەمی کردووە، بە جۆرێک لە ساڵی 2015 کۆی ئه و داهاتەی بەدەستخرابوو پێکدەهات لە 245 ملیار دینار و داهاتی ساڵی ڕابردوش بریتی بوو لە 170 ملیار دینار.
ئاماژەی بەوەشکرد: هەروەها ڕۆشتنی گەشتیارانی هەرێم بۆ ئێران کەمی کردووە، بە جۆرێک لە ساڵی ڕابردودا 284 هەزار گەشتیاری ئێرانی هاتونەتە هەرێم و لەبەرامبەریشدا 275 هەزار گەشتیار لە هەرێمەوە ڕۆشتونەتە ئێران، هەروەها لە ساڵی ڕابردودا 118 هەزار ئۆتۆمبێلی بارهەڵگر هاتونەتە خاکی هەرێمەوە و هاوکات سێ هەزار 129 ئۆتۆمبێلی بارهەڵگریش ڕۆشتونەتە دەرەوەی هەرێم.
سەرپەرشتیاری مەرزی نێودەوڵەتی باشماخ ئەوەشی ڕاگەیاند: هەر لە ساڵی ڕابردودا بەهۆی نەشیاوییان بۆ بەکارهێنان، هەزار و 148 تۆن کەرەستەی خۆراکی و پیشەسازی و شمەکی جیاوازمان گەڕاندوەتەوە بۆ خاکی ئێران و نەمانهێشتووە بهێنرێنە ئەمدیو، هەروەها 145 تۆن خۆراکیش هەر لەناو مەرزەکەدا لەناوبراون بەهۆی دەرنەچونیان لە کوالتی کۆنتڕۆڵ و نەشیاوییان بۆ بەکارهێنان.
11-01-2017
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 4,650 car hatiye dîtin
Raya xwe li ser vî babetî binivîsin!