دواڕۆژ، هۆگر کەمال
بەڕێوەبەری گشتی تەندروستی #سلێمانی# ڕایدەگەیەنێت کە لە یەکەم ڕۆژی #نەورۆز#دا بەهۆی ڕووداوی هاتووچۆوە 11 کەس بریندار بوون و دوو کەسیش گیانیان لەدەستداوە و 79 نەخۆشیش داخڵی نەخۆشخانە کراون.
میران محەمەد، بەڕێوەبەری گشتی تەندروستی سلێمانی، بە دواڕۆژی وت لە یەکەم ڕۆژی نەورۆزدا 79 کەس داخڵی نەخۆشخانەی فریاکەوتنی سلێمانی کراون بۆ چارەسەر، بەڵام 602 کەس لەو ڕۆژەدا سەردانی هەمان نەخۆشخانەیان کردووە و چارەسەری پێویستیان بۆ کراوە و گەڕاونەتەوە ماڵەوە.
وتیشیبەهۆی ڕووداوەکانی هاتووچۆوە لە یەکەم ڕۆژی نەورۆزدا 11 کەس بریندار بوون و دوو کەسی بە ڕەگەز عەرەبیش گیانیان لەدەستداوە، جگەلەوەش 15 کەسی دیکەش بە ڕووداوی جیاجیا برینداربوون.
جەختیشی کردەوە، کە هیچ بریندارێکی شەڕ و فیشەک و تەقەمەنی نەچۆتە نەخۆشخانەکانیان، دەشڵێت ئەو پلانەی بۆ نەورۆز داماننابوو لە ڕێگەی نەخۆشخانەکانمان و تیمە گەڕۆکەکانمان لەسەر شەقام و سەیرانگەکان سەرکەوتوو بوو.
22-03-2017
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 6,803 car hatiye dîtin
Raya xwe li ser vî babetî binivîsin!