دواڕۆژ، نوسینگەی هەولێر
سەرۆکایەتی داواکاری گشتی زیاتر لە چوار هەزار دۆسیەی زیادەڕەوی زەویی و زاری ئاڕاستەی داواکاری گشتی هەولێر کردبوو بە مەبەستی جیاکردنەوە، لە ئێستاشدا سەرجەم دۆسیەکان ڕەوانەی دادگاکران بەمەبەستی بڕیاردان لەسەری.
بە پێی زانیارییەکانی دواڕۆژ زیاتر لە چوار هەزار دۆسیەی زیادەڕەوی و داگیرکردنی زەوی و موڵکی گشتی لەشاری هەولێر ئاڕاستەی دادگاکراون بەمەبەستی بڕیاڕدانی کۆتایی لەسەری.
هەر بە پێی زانیارییەکان سەرجەم دۆسیەکانی لەسەرەتای ساڵەکانی نەوەدەوە بوو زیاتر لە 4 هەزار کەسیش له و دۆسیانە ناویان هاتووە لە ئێستاشدا دۆسیەکان لە لایەن داواکاری گشتی جیاکراوەتەوه و ئاڕاستەی دادگا پەیوەندیدارەکان کراوە.
دواڕۆژ، زانیویەتی بەشێک له و زەویانە لە ڕابردوو بەشێوەی موساتەحه و گرێبەست مۆڵەتیان وەرگرتووە زۆربەی ئه و دۆسیانەش دەکەوێتە سنووری دەشتی هەولێر.
لای خۆیەوە د. فرسەت سۆفی، ئەندامی لیژنەی بەرەنگاربوونەوەی گەندەڵی بە دواڕۆژی ڕاگەیاند، ئه و موڵکانەی کە داگیرکراون دوای وەرگرتنی بڕیاری کۆتایی لە لایەن دادگاکانەوە، لە ڕێگای میکانیزمی گونجاو دەگەڕێتەوە بۆ خاوەنەکانیان.
ناوبراو، وتیشی ئەگەر دەرکەوت هەرکەس و بەرپرسێکی حزبی و حکومی لە ئەنجامدانی ئه و زیادەڕەویانە ئاسانکاریی کردبێت لێکۆڵینەوەی لەگەڵدا ئەنجامدەدرێت.
12-04-2017
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 5,879 car hatiye dîtin
Raya xwe li ser vî babetî binivîsin!