لە یادی 55 ساڵەی دامەزراندنیدا، بەگەرمی پیرۆزبایی لە یەکێتیی مامۆستایانی کوردستان و تەواوی مامۆستایانی بەڕێزی کوردستان دەکەین، به و هیوایەی ئەم بۆنەیە ببێتە هاندەرێک بۆ خەباتی بەگوڕتری پیشەیی و مەدەنیی یەکێتیی مامۆستایانی کوردستان و خزمەتکردنی زیاتری مامۆستایان و کوردستان.
لەم یادەدا، بەڕێز و پێزانینەوە لە هەڵوێست و بەرگەگرتنی جوامێرانەی مامۆستایان، ئەوانەی وێڕای هەموو دژواری و سەختییەکان، نەیانهێشت پرۆسەی خوێندن و پەروەردە پەکی بکەوێت دەڕوانین کە بە گیانێکی پێشمەرگانەوە ڕەفتاریان کرد و لە پەروەردە و فێرکردن بەردەوام بوون. هەروەها بە ڕێزەوە یادی ئه و خەبات و تێکۆشانە دەکەینەوە کە مامۆستایانی کوردستان و یەکێتیی مامۆستایانی کوردستان لە سەردەمی شۆڕش و قۆناغەکانی تێکۆشاندا سەربەرزانە تۆماریان کردووه و لەم پێناوەدا شەهید و قوربانیشیان داوە. ئەمڕۆش مایەی شانازییە کە یەکێتیی مامۆستایانی کوردستان بووەتە ڕێکخراوێکی دیاری خاوەن پێگەیەکی سەنگین و سنووری ڕێکخراوێکی لۆکاڵی تێپەڕاندووە.
لە یادەدا دووپاتی دەکەینەوە کە وێڕای هەموو کێشە و سەختییەکان، حکوومەتی هەرێمی کوردستان لەسەر بایەخدانی زیاتر بە کەرتی پەروەردە و فێرکردن بەردەوام دەبێت، هەموو هەوڵێکیش دەدات بۆ ئەوەی ژیان و گوزەرانێکی گونجاوتر کە شیاوی پێگە و ئەرک و ڕۆڵی پڕ بایەخیان بێت، بۆ مامۆستایان دابین بکات. مامۆستایانی دڵسۆز کە سەلماندییان لە هەموو دۆخە هەستیار و چارەنوسسازەکاندا نموونەی خۆڕاگرین و لەپێناو مسۆگەرکردنی ئێستا و داهاتوویەکی گەشتر بۆ نەوەکانمان، بە هیچ شێوەیەک کۆڵ نادەن.
دووبارە ئەم یادە پیرۆز بێت، هیوای سەرکەوتن بۆ یەکێتیی مامۆستایانی کوردستان و تەواوی مامۆستایانی کوردستان دەخوازین.
ئەنجومەنی وەزیرانی هەرێمی کوردستان
15-05-2017
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 4,766 car hatiye dîtin
Raya xwe li ser vî babetî binivîsin!