دوێنێ سەعات (2:30) لەدیوانی سەرۆکایەتی هەرێم، بەسەرپەرشتی بەڕێز #مەسعود بارزانی#، کۆبوونەوەی لایەنە سیاسییەکانی کوردستان، بۆ پرسەکانی #ڕیفراندۆم# و هەڵبژاردن، ئەنجامدرا.. جگە لەپەسەندکردنی هەڵبژاردن لەوادەی خۆیدا (06-11-2017)، هەروا (25-9-2017) بۆ ئەنجامدانی ڕاپرسی باشوری کوردستان، لەپێناو سەربەخۆیدا بڕیاری لێدرا. بەم ڕونکردنەوەیە، ڕایدەگەیەنین، کەوا: هەروەکو کۆبوونەوەکانی پێشتر، وەفدی یەکێتیی، بەپێی بڕیاری ئەنجومەنی سەرکردایەتی و مەکتەبی سیاسی یەکێتیی، داکۆکییەکی بێ تەمومژی لەسەر گرنگی و کاریگەری کاراکردنەوەی پەرلەمان کردەوە.
خۆشبەختانە، زۆربەی لایەنەکانی بەشدار، هەمان هەڵوێستیان هەبوو. سەرەنجامی گفتوگۆیەکی بەرپرسانە کۆبوونەوە پەسەندی کرد، کە: پەرلەمان کارا بکرێتەوەو دەستبەجێ لەدوای کۆبوونەوەش، هەوڵی بۆ بدرێ.
بڕیاریشە، لەهەفتەی ئاییندە، وەفدی یەکێتیی لەگەڵ پارتیدا لەسەر نەخشە ڕێگەی یەکێتیی دانیشین. لەو کۆبوونەوەیەشدا، ڕایدەگەیەنین، کە: مادام وادەی ڕیفراندۆم دیاریکرا، ئیتر پێویستە پەرلەمانیش کارا بکرێتەوە، هەتا ڕێکارە یاساییەکانی ڕیفراندۆم و هەڵبژاردن و هەموارکردنی یاسای هەڵبژاردنیش، بخرێتە بەرنامەی پەرلەمانەوە.
شایانی باسە، ئێستا دەتوانین بڵێین گەشبینین بەهاوکاری هەموو لایەنەکان، پەرلەمان کارا بکرێتەوە، دیارە بەکاراکردنەوەی پەرلەمانیش، قۆناغێکی دژواری پەیوەندی لایەنە سیاسییەکانی کوردستان، کۆتایی دێت و دڵی گەلەکەمان و پشتیوانانیشمان خۆش دەبێ، بەڵکو نەیارانیش، بەخۆیاندا بچنەوە.
وەفدی یەکێتیی لەکۆبوونەوەی هێزە کوردستانییەکان
08-06-2017
Ev babet bi zimana (کوردیی ناوەڕاست - Central Kurdish) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 5,421 car hatiye dîtin
Raya xwe li ser vî babetî binivîsin!