دواڕۆژ، هۆگر کەمال
وتەبێژی #وەزارەتی پەروەردەی هەرێم# ڕایدەگەیەنێت کە نزیکەی 256 هەزار قوتابی و خوێندکار بەشداری تاقیکردنەوەکانی قۆناغی 9ی بنەڕەتی و 12ی ئامادەیی دەکەن، دەشڵێت چاودێری تەواو بۆ هۆڵەکان دابینکراوە.
سامان سیوەیلی، وتەبێژی وەزارەتی پەروەردەی حکومەتی هەرێم، بە دواڕۆژی وت ئەمڕۆ چوارشەممە 14ی حوزەیران، لە سەرتاسەری هەرێم 137 هەزار و 265 قوتابی دەستیان بە تاقیکردنەوەکانی کۆتایی پۆلی 9ی بنەڕەتی کردووە.
وتیشی سبەی پێنجشەممە 15ی حوزەیران، لە سەرتاسەری هەرێم 118 هەزار و 714 خوێندکار بەشداری تاقیکردنەوە گشتییەکانی قۆناغی 12ی ئامادەیی (وێژەیی، زانستی و پیشەیی) دەکەن.
ئاماژەی بەوەشدا بۆ هەردوو قۆناغەکە لە هەموو هەرێمی کوردستان چوار هەزار و 165 هۆڵ بۆ تاقیکردنەوەکان دابینکراوە، چاودێری تەواویش بۆ هەموو هۆڵەکان دابینکراوە.
14-06-2017
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 5,211 car hatiye dîtin