سەرۆکی #شارەوانیەکانی گەرمیان# ڕایدەگەیەنێت، لە ئێستادا شارەوانیەکان خوڵ و خاشاکی سنوری #ئیدارەی گەرمیان# پاک دەکەنەوە بە بڕی 512 ملێون دینار، تا ئه و کاتەی کۆمپانیای پاککەرەوە لە گەرمیان دەستبەکار دەبێت.
دوای تەواوبوونی ماوەی کاری کۆمپانیای ئۆرانۆس بۆ پاککردنەوەی خوڵ و خاشاکی گەرمیان و دەستبەکارنەبوونی کۆمپانیای سەگرمە وەک جێگرەوەی ئه و کۆمپانیایە، خۆڵ و خاشاکێکی زۆر لەناو کۆڵان و شوێنە گشتیەکان لە گەرمیان کۆبووەتەوە، ئەوەش ناڕەزایی هاوڵاتیانی لێکەوتەوە، به و هۆیەشەوە لە ئێستا شارەوانی دەستی کردوە بە پاککردنەوەی ناوچەکە لە خۆڵ و خاشاک.
سەید جواد وادی بەڕێوەبەری بەڕێوەبەرایەتی شارەوانیەکانی گەرمیان بۆ ڕۆژنیوز وتی: 15ی ئەم مانگە، کۆمپانیای ئۆرانۆس تایبەت بە پاککردنەوەی خوڵ و خاشاک لە گەرمیان، گرێبەستەکەی کۆتایی پێهات و دەستی لە پاککردنەوەی خوڵ و خاشاکی گەرمیان هەڵگرت و ڕۆیشت، وابڕیار بوو دوای ڕۆیشتنی ئۆرانۆس، کۆمپانیای سەگرمە دەست بەکاربێت، بەڵام بەبیانوی ئەوەی هێشتا ئامادە نیە دەستبەکار بێت و داوای 40 ڕۆژی کرد بۆ خۆڕێکخستنەوەی، بۆیە ئه و بۆشاییە دروست بوو.
سەید جواد وادی وتیشی: هەستمان کرد بۆشایەک دروست دەبێت بۆیە بە هەمووانمان ڕاگەیاند ئه و بۆشاییە کاریگەری خراپی دەبێت ئەگەر پڕنەکرێتەوە، بە سوپاسەوە جێگری سەرۆکی حکومەتی هەرێمی کوردستان و سەرپەرشتیاری ئیدارەی گەرمیان و وەزیری شارەوانی حکومەتی هەرێم بەدەم داواکەمانەوە هاتن و بودجەیەکی باشیان بۆ دابینکردین بۆ ئەوەی شارەوانیەکانی سنوری بەڕێوەبەرایەتی شارەوانیەکانی گەرمیان دەست بە ئیش بکەن و خوڵ و خاشاکی ماڵان و شوێنە گشتیەکان کۆبکەنەوە.
هەروەها ناوبراو باسی لەوەشکرد: ئه و بودجەیە، کە دابین کراوە بریتیە لە 512 ملیۆن دینار بۆ ماوەی یەک مانگە و بۆ گرتنی ئامێر و گرێبەستی کرێکاری شارەوانی و پێداویستی تانکەری ئاو و ئۆتۆمبێلی پاککەرەوەی شەقامەکان، بە گشتی 800 کرێکار و 180 ئامێری پێویستە، هەر کات کۆمپانیا نوێیەکە دەستبەکار بوو، ئه و بودجەیە نامێنێ ئێستا هیچ کێشەیەکی خوڵ و خاشاکمان لە گەرمیان نیە و شارەوانیەکانمان هاوشێوەی کۆمپانیاکانی پاککەرەوە شوێنەکان پاک دەکەنەوە.
رۆژنیوز
20-06-2017
Ev babet bi zimana (کوردیی ناوەڕاست - Central Kurdish) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 7,801 car hatiye dîtin
Raya xwe li ser vî babetî binivîsin!