رووداو - #ئامەد#
دوای کوژرانی دوو بەرپرسەکەی ئاکپارتی لە دوو شاری #باکووری کوردستان#، دەستبەسەرکردن و دەستگیرکردنی سیاسەتمەدار و کارسازانی کورد لەو دوو شوێنە دەستیپێکردووە و چەندین سیاسەتمەدار و کارسازی کورد دەستبەسەرکراون. #سەرکان ئینجە#، پەیامنێری ڕووداو لە ئامەد ڕایگەیاند: سەرەڕای ئۆپەراسیۆن و شەڕ و پێکدادان و قەدەخەی هاتووچۆ لە چەند ناوچەیەکی باکووری کوردستان، دەستبەسەرکردن و دەستگیرکردنی سیاسەتمەدار و کارسازانی کورد دەستیپێکردووە. لە نوێترین پێشهاتیشدا لە شاری #وان#ی باکووری کوردستان 30 کەس لە ئەندامانی دەستەی بەڕێوەبەرایەتیی پارتی هەرێمی دیموکراتی (#دەبەپە#) و پارتی دیموکراتی گەلان (#هەدەپە#)، بەتۆمەتی پشتگیریکردن یان ئەندامییەتی لە #پەکەکە# دەستبەسەرکراون. پەیامنێری ڕووداو دەڵێت: ڕۆژی سێشەممە 4-7-2017، لە شاری ئامەدی باکووری کوردستان ئۆپەراسیۆنی دەستبەسەرکردن بەڕێوەچوو. لەو ئۆپەراسیۆنەدا 4 کارسازی کورد بەتۆمەتی پاڵپشتیکردنی دارایی ئابووری لە پەکەکە دەستبەسەرکران. هەروەها ڕۆژنامەڤانێکی کورد بەناوی #مەمەد چاخماخ# دەستبەسەرکراوە. ناوبراو پێشتر هاوکارێکی ئێمە بوو و لە ڕووداو کاری دەکرد و لەنێو ڕۆژنامەگەڤانان بە شیار ناسراوە، بەڵام تاوەکو ئێستا هۆکاری دەستگیرکردنی ئەو ڕۆژنامەڤانە کوردە بڵاونەکراوەتەوە. پەیامنێری ڕووداو دەشڵێت: ئۆپەراسیۆنی دەستبەسەرکردن و دەستگیرکردنی سیاسەتمەدار و کارسازانی کورد دوای ئەوە دێت کە ئایدن ئاهی، جێگری سەرۆکی ئاکپارتی لە قەزای قەلقەلی وان و #ئۆرهان مەرجان#، جێگری سەرۆکی ئاکپارتی لە قەزای لجێی ئامەد کوژران، ڕۆژێک دوای کوژرانی دوو بەرپرسەکەش لە ئامەد 19 کەس و لە وان 16 کەس دەستبەسەرکران.
05-07-2017
Ev babet bi zimana (کوردیی ناوەڕاست - Central Kurdish) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 3,859 car hatiye dîtin
Raya xwe li ser vî babetî binivîsin!