نوێنەری ڕێبەری باڵای ئێران بۆ کاروباری حەج ڕایگەیاند، ئەمساڵ نزیکەی (15) هەزار هاوڵاتی سوننە سەردانی سعودییە دەکەن بۆ بەجێهێنانی مەراسیمی حەج.
(عەلی قازی عەسکەر) نوێنەری ڕێبەری باڵای ئێران ڕایگەیاند، هەستیاری لەسەر ڕێوڕەسمی حەج یەکجار زۆرە، ئەمەش بەو هۆیەوەیە کە دوو ڕووداوی نەخوازراو لەمزگەوتی پیرۆزو مینا ڕوویانداو بووە هۆی کوژرانی ڕێژەیەکی زۆر لە زیارەتکارانی ئێرانی و هەر بەم هۆیەوە ساڵی ڕابردووش بەشداری ئەو مەراسیمەیان نەکرد.
ناوبراو ووتیشی، ئەمساڵ بڕیار وایە کە سعودییە چاودێڕی زۆر وردتر بۆ ڕێوڕەسمەکە بکات، ئەمەش تەنیا بۆ زیارەتکارانی ئێرانی نییەو بۆ هەموو حاجیانی وڵاتانی جیهانە.
عەسکەر ڕاشیگەیاند، تاکو ئێستا (11) هەزار حاجی ڕەوانەی شاری مەدینە کراون، ئەمساڵ زیاد لە (45) هەزار حاجی ئێرانی ئەم ڕێوڕەسمە پیرۆزە بە جێدێنن و گروپ گروپ حاجییەکان ڕەوانەی عەرەبستان دەکەن.
قازی عەسکەر وتی: ئەمساڵ لەم ڕێژەیە نزیکەی (11) هەزار کەسیان لە ئەهلی سوننەی ئێرانن کە ڕێوڕەسمی حەج بە جێدێنن، بە نیسبەت ساڵانی ڕابردوو، ئەمساڵ ڕێژەی حاجیان سوننەی ئێرانی یەکجار زۆر بەرز بۆتەوە.[1]
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 3,616 car hatiye dîtin
Raya xwe li ser vî babetî binivîsin!