بەرهەمی ڕۆژانەی کێڵگەی نەوتی شێواشۆک هیچ زیادی نەکردوه و ئه و کۆمپانیایەشی کە کاری بۆ سیانەکردنەوەی بیرە نەوتیەکان دەکرد، تائێستا ئەنجامی نییە. پەرلەمانتارێکی یەکێتیش ڕایدەگەیەنێت: سامانە سروشتیەکان کێڵگەکەی پەراوێزخستوە.
عەباس فەتاح پەرلەمانتاری یەکێتی لە پەرلەمانی کوردستان بە SNNی ڕاگەیاند: ئه و کۆمپانیایەی ڕاسپێردرابوو بۆ برەودان بە چەند بیرێکی کێڵگەی نەوتی شێواشۆک، تائێستا هیچ بەرهەمێکی نییه و پێدەچێت سەرکەوتوو نەبوبێت.
وتیشی: کۆمپانیاکە کاری سیانەکردنی لەچەند بیرە نەوتێکدا کرد، بەڵام بەهەمان شێوە ئەنجامی نەبوو، تەنها لە بیرە نەوتێکدا بەرهەم زیادی کرد.
بەپێی زانیارییەکانی ئه و پەرلەمانتارەی یەکێتی، ئێستا بەرهەمی ڕۆژانەی کێڵگەی شێواشۆک هەر لەنێوان (14 - 15 - 16) هەزار بەرمیله و زیادی نەکردوە.
عەباس فەتاح ڕاشیگەیاند: له و کاتەوەی دوو کێڵگەی نەوتی کەرکووک کەوتۆتە دەستی حکومەتی هەرێم، وەزارەتی سامانە سروشتییەکان کێڵگەی شێواشۆکیان پەراوێزخستوە.
پەرلەمانتارەکەی یەکێتی هۆشداری بە حکومەت و وەزارەتی سامانە سروشتیەکان دەدات و دەڵێ: ئەگەر بەپەلە کاری سیانەکردن و لێدانی بیری نوێ لە کێڵگەکە نەکرێت و پارەی بۆ خەرج نەکرێت، ئەوە بەرهەمەکەی هێندەی دیکە کەمتر دەبێتەوە.[1]
ماڵپەڕی سلێمانی نیوز SNNC.CO: 13-08-2017
Ev babet bi zimana (کوردیی ناوەڕاست - Central Kurdish) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 3,198 car hatiye dîtin
Raya xwe li ser vî babetî binivîsin!