ڕۆژنامەی فاینانشیاڵ تایمز ڕاپۆرتێکی بە ناونیشانی هەناردەکردنی غەنیمەکانی جەنگ بڵاوکردووەتەوە، تێیدا ئاماژە بەوەکراوە هەرچەندە #داعش# زۆرێک لە ناوچەکانی ژێردەستی لە سوریا و عێراق لە دەستداوە، بەڵام هێشتا لە توانایدایە ڕۆژانە بڕێکی زۆر پارە لە ڕێگەی بازرگانی نەوتەوە بەدەستبهێنێت.
ڕاپۆرتەکە دەڵێت لە ئێستادا پێشینەی کارەکانی ڕێکخراوەکە ئەوەیە کە ئه و پارانە بگوازێتەوە بۆ دەرەوەی ئه و ناوچانەی دەستیبەسەرداگرتوون.
ئاماژە بەوەشکراوە ڕێکخراوەکە کۆنتڕۆڵی ئه و کێڵگە نەوتییانەی کردووە کە لەلایەن فڕۆکەکانی هاوپەیمانانەوە کرابوونە ئامانج، بەڵام توانیویەتی لە ڕێگەی ئەزموونی کرێکارە لۆکاڵییەکانەوە بەرهەمهێنانی نەوت له و کێڵگانەدا بەردەوامبکات ڕۆژانە بەهۆیەوە ملیۆنان دۆلار بەدەستبهێنێت.
ڕاپۆرتەکە ئەوەشی ڕونکردووەتەوە کە هەندێک بازرگان ئاماژە بەوەدەکەن داعش ڕۆژانە لە ڕێگەی فرۆشتنی نەوتەوە، ملیۆنێک دۆلار بەدەستدەهێنێت.
ئه و پارانەش کە لە ڕێگەی بازرگانیەوە بەدەستیدەهێنێت، لە ڕێگەی سیستەمی حەواڵەوە دەینێرێتە ئه و ناوچانەی کە ئەمینترن لە دەرەوەی ناوچەکانی ژێر دەستی خۆی.
ڕاپۆرتەکە دەڵێت داعش دەسەڵاتی گرتووە بەسەر دوو گەورەترین کێڵگەی نەوتی سوریا کە عەمر و تانکن و ڕۆژانە بڕی 25 هەزار بەرمیل نەوت بەرهەمدەهێنن.
و: محەمەد نەجمەدین[1]
25-08-2017
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 3,326 car hatiye dîtin
Raya xwe li ser vî babetî binivîsin!