ئەنجومەنی پیران (سینات)ی ئەمریکا بەزۆرینەی دەنگ بودجەی بەرگری وڵاتەکەی بۆ ساڵی 2018 پەسەندکرد کە بەشێک لەو بودجەیە بۆ هێزی #پێشمەرگەی کوردستان# و پڕچەککردنی هێزەکانی سوریای دیموکرات تەرخانکراوە.
دووشەمەی ڕابردوو ئەنجومەنەکە بە کۆی 89 دەنگ بەرامبەر 8 دەنگی ناڕازی بودجەی وەزارەتی بەرگری بۆ ساڵی 2018 پەسەندکرد.
بودجەکە کە لە 700 ملیار دۆلار پێکهاتووە نزیکەی 60 ملیار دۆلاری کە دەکاتە نزیکەی 10%ی تێکڕای بودجەکە بۆ کردەوە سەربازییەکانی ئەمریکا لە ئەفغانستان و عێراق و سوریا تەرخانکراوە.
لەو بڕە پارەیەی لە بودجەکەدا بۆ کردەوە سەربازیەکانی دەرەوەی وڵات و بەتایبەتی بۆ شەڕی دژی داعش تەرخانکراوە بڕی 365 ملیۆن دۆلاری لێ دیاریکراوە بۆ پێدانی موچەی 36 هەزار پێشمەرگەی حکومەتی هەرێمی کوردستان.
هەروەک بڕێکی زۆر پارە کە بە سەدان ملیۆن دۆلار دەخەمڵێنرێت تەرخانکراوە بۆ پڕچەککردنی هێزەکانی سوریای دیموکرات و چاوەڕێ دەکرێت لە ساڵی داهاتوشدا ناردنی چەک و تەقەمەنی بۆ باکوری سوریا درێژەی هەبێت. [1]
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 4,304 car hatiye dîtin
Raya xwe li ser vî babetî binivîsin!