وەزیری تەندروستیی هەرێمی کوردستان ژمارەی قوربانیانی بوومەلەرزەکەی شەوی ڕابردوو ئاشکرادەکات و ڕایدەگەیێنێ، 7 کەس گیانیان لەدەستداوە و زیاتر لە 321 کەسیش بەهۆی ترس و برینداربوونەوە گەیێندراونەتە نەخۆشخانەکان.
د. ڕێکەوت حەمەڕەشید، وەزیری تەندروستیی هەرێمی کوردستان بە (تۆڕی میدیایی ڕووداو)ی ڕاگەیاند، بەهۆی بوومەلەرزەکەی شەوی ڕابردوو 12-11-2017، حەوت کەس لە هەرێمی کوردستان گیانیان لەدەستداوە.
بەگوتەی وەزیری تەندروستی، چوار کەس لەوان لە قەزای دەربەندیخان، دوویان لە گەرمیان و یەکێکیش لە سلێمانی بووە. ئاماژەی بەوەش کرد کە دوو لەو کەسانەی لە دەربەندیخان گیانیان لەدەستداوە بە ڕەگەز عەرەب بوونە.
لەبارەی بریندارەکانیش وەزیری تەندروستی گوتی: 120 کەس بەهۆی ترسەوە هێنراونەتە نەخۆشخانەکان، 201 کەسی دیکەش برینداربوونە، سەرجەمیان برینەکانیان سووکە و چارەسەری پێویستیان بۆ کراوە، بەشێکی زۆریشیان نەخۆشخانەیان جێهێشتووە.
ئێوارەی ڕۆژی یەکشەممە 12-11-2017، بوومەلەرزەیەکی بەهێز هەر چوار پارچەی کوردستان و چەند وڵاتێکی دیکەی هەژاند، بەهۆیەوە تەنیا لە باشوور و ڕۆژهەڵاتی کوردستان زیاتر لە 200 کەس گیانیان لەدەستدا و سەتانی دیکەش برینداربوون.
بەپێی سەنتەرەکانی جیۆلۆجی ئەمریکا و ئێران و بەڕێوەبەرایەتیی کەشناسی و بوومەلەرزەزانی هەرێمی کوردستان، نێوەندی بوومەلەرزەکە نێوان باشوور و ڕۆژهەڵاتی کوردستان (هەڵەبجە و کرماشان) بووە، گوڕەکەشی لەنێوان 7 بۆ 7.6 پلەی ڕێختەر بووە.[1]
13-11-2017
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 6,155 car hatiye dîtin
Raya xwe li ser vî babetî binivîsin!