تا ئێستا دەیان هەزار ئاوارەی مەدەنی کورد کە لە شارەکانی کەرکووک و خورماتوو ناوچە جێناکۆکەکان ڕایانکردووە لەبەر هاتنەوەی سوپا و حەشدی شەعبی بۆ ئەو ناوچانە لە دوای 16/10/2017 لەبارودۆخێکی ناهەمواردا ژیان بەسەر دەبەن دوور لە مال و موڵک و بازارەکانیان لە ناو خیوەتگای کاتی و شوێنی نەگونجاو کە لانی کەمی پێداویستی ژیانی بۆ دابین نەکراوە.ئەوانە هەر لە چاوەروانی ئەوەدا دەژین کە حکومەتی فیدرالی ئاساییش و دەسەڵاتی یاسا بگێرێتەوە بۆ شارەکانیان تا بتوانن بگەرینەوە ناو ماڵ و حاڵیان کە بەشیکی زۆری سەلامەت نەبوە لە تاڵانی و سوتاندن و تەقاندنەوە لەسەر دەستی ژمارەیەک گروپی چەکداری کە لەسەر هێزە ئەمنیەکانی عیراق هەژمار دەکرێن.
ئەمرۆ کە یەک مانگ تیچپەر دەبیت بەسەر ئەو ڕوداوانە لەسەر زەمین هیچ ڕێ و شوێنێکی ئەوتۆ نەگیراوەتەبەر لەلایەن حکومەتی فیدرالی بۆ گێرانەوەی هیواو ئومێد بۆ هاوڵاتیە کوردەکان و لێپرسینەوە نەکراوە لەو کەسانەی هەستان بە سوتاندن و تەقاندنەوەو تالانکردنی ماڵ و دوکان و سامانیان.
پێکەوە ژیانی پێکهاتەکانی ئەم ناوچانە ڕوبەرووی مەترسیەکی ڕاستەقینە بۆتەوە چونکە هاوڵاتیانی مەدەنی کە هەست بە ئارامی نەکەن و دلنیا نەبن لە ژیان و ماڵ و ناموسیان ناتوانن بگەرێنەوە شوێنەکانیان و کارە و وەزیفەکانیان جێ بەجێ بکەن، بەهۆی ئەو شەپۆلەی ئاوارەییەوە هەزاران فەرمانبەر ڕەنگە کارەکانیان لەدەست بدەن و دەیان هەزار منال لە خویندن بێبەش دەبێت و نەخۆشی کوشندە بڵاودەبێتەوە بەتایبەتیش کە خەریکە وەرزی زستان دیچتە پێشەوە.
لێرەوەو بەناوی سەرجەم فراکسیۆنە کوردستانیەکانی ئەنجومەنی نوینەرانی عیراقەوە داوا لە بەرێز سەرۆکی ئەنجومەنی وەزیران دەکەین کە هەنگاوی بە پەلە و دادپەروەرانە بگرێتە بەر بۆ ڕاگرتنی دەست درێژی بۆ سەر موڵک و ماڵی هاوڵاتیان لەو شوێنانە وئەو کەسانەی بەو کارانە هەستاون ڕوبەروی یاسا بکرێنەوەبە تایبەتی لە خورماتوو هەروەها پێویستە ئەو شارە لە دیاردەی چەکداری پاک بکرێتەوە جگە لە پۆلیسی ناوخۆیی و پەلەکردن لە هەلسەنگاندنی ڕیژەی زیانەکان و بریاردان بۆ قەرەبوو کردنەوەی زیان لێکەوتوان و سازکردنی زەمینەی لەبار بۆ گەرانەوەی ئاوارەکان بۆ شوێنەکانی خۆیان.
فراکسیۆنە کوردستانیەکانی ئەنجومەنی نوێنەرانی عیراق
16-11-2017
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 3,114 car hatiye dîtin
Raya xwe li ser vî babetî binivîsin!