جەماوەری کۆڵنەدەر!
کەسوکاری شەهیدان!
لیژنەی باڵای هێزەکانی کوردستان، لەکاتێکدا خۆشحاڵە کە گەلەکەمان، سەرەڕای کێشە سیاسی و قەیرانە ئابوریەکان، لەبەرامبەر ئاژاوەگێڕی، دەربەستی ئارامی و چارەسەری بەرپرسانەی سەرجەم کێشەکان، لەرێی گفتوگۆو دەزگا شەرعیەکانەوە بون، لەهەمانکاتدا، دڵنیاین جەماوەری دڵسۆزی کوردستان، بەپێزانیەوە دەڕواننە ڕۆڵی هێزی پێشمەرگه و ئاسایش و پۆلیس، کە ڕۆڵی بەرچاویان لە گێڕانەوەی سەقامگیری و دامرکاندنەوەی کوانوی ئاژاوەگێڕیدا، هەبووە. لەهەمانکاتدا، لیژنەی باڵای هێزەکان، بێڕادە سوپاسی تەواوی هێزەکان دەکات، کە لە چەند ڕۆژی ڕابردودا، سەروماڵی هاووڵاتی و کاسبکاری شارو شارۆچکەکانیان پاراستووه و دڵی هاووڵاتی مەدەنیشیان نەڕەنجاندووە.
بەهیواین، حکومەتی هەرێم، دوای هەڵسەنگاندنی دۆخەکە، دوابڕیار لەسەر گەڕانەوەی هێزەکان، بۆ بنکه و فەرمانگه و ئۆردوگاکانی خۆیان بدەن.
سوپاسی هەموو ئه و خەڵکە پەرۆشە دەکەین بۆ سەرفرازی ئەزمونەکەمان و جەماوەرەکەمان لەبەرامبەر پیلانەکان و دۆخە نەخوازراوەکەدا، درێغییان نەکرد.
لیژنەی باڵای هێزەکانی کوردستان
#24-12-2017#
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 2,918 car hatiye dîtin