دوارۆژ، ڕێبین حەسەن
لەماوەی 12 مانگی ساڵی 2017دا و بەهۆی ئەنجامدانی سەرپێچی جۆراوجۆری ژینگەیی، لەسنووری بەشی پۆلیسی دارستان و ژینگەی #پێنجوێن#، 55 هاوڵاتی دەستگیرکراون، هاوکات لە 10 ڕۆژی سەرەتای 2018شدا، یەکەم سەرپێچیکاری ژینگەیی دەستگیرکرا.
پۆلیسی دارستان و ژینگەی پێنجوێن لە ڕاگەیەندراوێکیدا ئاشکرایکردووە وەک بەشی پۆلیسی دارستان و ژینگەی پێنجوێن، لەساڵی 2017دا، لەسنوری قەزاکە و هەردوو ناحیەی گەرمک و ناڵپارێز لەلایەن مەفرەکانمانەوە، توانراوە 55 هاوڵاتی لەسەر سەرپێچی ژینگەیی دەستگیربکرێن.
ئاماژە بەوەش دەکەن کە جۆری سەرپێچیەکان بەم شێوەیە بووە چوار هاوڵاتی لەسەر ڕاوکردنی باڵندەی کێوی، 10 هاوڵاتی لەسەر ڕاوکردنی ماسی، 7 هاوڵاتی لەسەر بڕینی داری دارستان و 13 لەسەر دروستکردنی خەڵوزی نایاسایی و 18 زیادەڕەویی و 3 لەسەرکردنەوەی ئاگر لەدارستانەکان دەستگیرکراون.
عەقید هێمن کەمەرخان، بەرپرسی ڕاگەیاندنی پۆلیسی دارستان و ژینگەی پارێزگای سلێمانی، لەلێدوانێکی بۆ دواڕۆژ وتی لە سەرەتای ئەمساڵدا، لەلایەن مەفرەزەیەکی بنکەی پۆلیسی دارستان و ژینگەی ناڵپارێز، لەکاتی گەڕان بەژمارەیەک لەگوندەکانی سنوورەکەدا، توانرا هاوڵاتیەک کە سەرقاڵی سەرپێچیکاری ژینگەیی بووە دەستگیربکرێت.
وتیشی هۆکاری دەستگیرکردنەکە ئەوە بوو ئەو هاوڵاتییە هەستابوو بەزیادەڕۆیی کردن و داگیرکردنی زەوی و دواتر بەپێی یاسای دەواجن، پەڕاوی یاسایی بۆ کرایەوە و درایە دادگا، هەر لەو هەڵمەتەدا هەیکەلیکی زیادەڕەۆیی و پارچە زەویەکی سیاج کراوی نایاسایش ڕاگیرا، ئەمەش بووە یەکەم سەرپێچیەکاری ژینگەیی کە لەساڵی نوێدا لەسنوری پێنجوێندا دەستگیربکرێت.[1]
#13-01-2018#
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 3,694 car hatiye dîtin
Raya xwe li ser vî babetî binivîsin!