دواڕۆژ، #بورهان یەحیا#
ب گۆرەى دووماهى راپۆرتا رێڤەبەرییا خۆجهییا دیمۆکرات ل هەرێما #عەفرین#ێ هەژمارا شەهیدێن سڤیل بۆ 160 کەسان بلند بوویە.
رێڤەبەرییا خۆجهییا دیمۆکرات ل هەرێما عەفرینێ د کۆنگرەیەکێ رۆژنامەڤانىدا راگەهاند د دەمێ 21 رۆژێن بۆرى یێن دەستپێکرنا هێرشا تورکیا بۆ سەر عەفرینێ 160 وەلاتیێن سڤیل شەهید بووینە کو 26 زارۆ و 17 ژن ژى تێدا هەبووینە و 395 کەس ژى بریندار بووینە.
زێدەتر رۆهنکر د دەمێ بۆرى دا هێرشا تورکیا و هەڤپەیمانان بۆ سەر عەفرینێ زۆر دوژمنکاریانە و بۆ مەرەما داگیرکرنا دەڤەرێ بوویە و دڤێت دیمۆگرافییا دەڤەرێ بگوهۆڕیت و تێدا هەموو جۆرە چەکەکێ قەدەغەکرى ژلایێ جڤاکا نێڤدەولەتیڤە، د بوردومانێن خۆ دا بکار ئینایە و ئەڤە بوویە ئەگەرێ وێرانکرنا هەژمارەکا مەزن یا گوندێن دەڤەرێ و دگەل هندێ هەژمارەکا تاخێن عەفرینێ ژى توپباران کرینە.
ئاماژەکرن کو چەندین پڕۆژەیێن ژێڕخانەیا ئابووریا وەکو یێن ئاڤێ و قوتابخانە، مزگەفت، سکر، رێک، کۆگەهێن خوارنێ و سەنتەرێن ساخلەمیێ، شوونوارێن وەکو گرێ عندارە و کەلها نەبى هورى و دێرا مارمارون و عەلبیسکە، کەفتینە بەر هێرشێن وان و زیانێن مەزن گەهشتینێ.
راگەهاند ژى ئەڤ هێرشێن تورکیا و هەڤپەیمانێن وان چەندین گوندێن سنۆرى ژناڤ برینە و بوویە ئەگەرێ ئاوارەبوونا 60 هزار کەسان بۆ گوندێن دى و سەنتەرێ باژێڕێ عەفرینێ و قەیرانەکا مرۆڤى پەیدا بوویە، لێ شەڕڤانێن ژ هەموو نەتەوە و ئایینان هەمبەر ڤان هێرشێن دوژمنکارانە راوەستیانە و پێدڤییە هێزێن جیهانى و رێکخراوێن مرۆڤایەتى هەمبەر ڤان هێرشان هەلویستێن باشتر هەبن و هاریکاریێن مرۆڤایەتى ژى بگەهیننە جهێن وێرانکرى.[1]
#10-02-2018#
Ev babet bi zimana (کرمانجی - کوردیی سەروو) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Ev babet 3,048 car hatiye dîtin
Raya xwe li ser vî babetî binivîsin!