نوسینگەی نێردەی نەتەوە یەکگرتوەکان بۆ هاوکاری عێڕاق لەهەرێمی کودستان.
ابەت - گەمارۆی سەر فڕۆکەخانەکانی هەولێرو سلێمانی
یاداشتی ناڕەزایی دەستەی سەربەخۆی مافی مرۆڤ سەبارەت بە گەمارۆی حکومەتی ناوەندی فیدڕاڵ لەسەر هەردو فرۆکەخانەی هەولێر و سلێمانی بۆتان دەنێرین، دوای ئەوەی لە 27-09-2017 بەبریارێکی سەرۆک وەزیرانی عێراق بەرێز (د.حیدر عبادی) بریاری ڕاگرتنی گەشتە نێودەولەتیەکان دەکراو گەمارۆ خرایە سەر هەردوو فرۆکانەی هەولیرو سلێمانی ئەوەش بریتی یە :
1) لە سزای بەکۆمەڵی خەڵکی مەدەنی هەرێمی کوردستان لەکاتێکدا وەک چۆن مافی گەشت کردن بۆ هەر هاوڵاتیەک فەراهەم کراوە لەعێراق وە هاوڵاتیانی هەرێمی کوردستانیش هەڵگری ڕەگەزنامەی عێراقین ومافی هاوڵاتی بونیان هەیە فرۆکەخانەش لە هەرێم بونی هەیه و هیچ کێشەیەک نیە تا نەتوانرئ هاوڵاتی لەهەرێمی کوردستان گەشت بکات بۆ دەرەوە، ئەوە لەکاتێکدا خودی بەڕێز سەرۆک وەزیرانی عیراق زۆرجار ئاماژەی بەوە کردوە کە جیاوازی لەنێوان هاوڵاتیانی شارەکانی عێراق ناکات وا خۆی پیشان داوە کە پارێزەری مافی هاوڵاتیانی عێراقە بئ جیاوازی، بەڵام ئێستا بە ئاشکرا سزای خەڵکی کوردستان دەدات و گەمارۆی خستۆتە سەر فرۆکەخانەکان.
2) ئه و جۆرە سزایە تەواو کاریگەری دەبێت لەسەر نەمانی متمانەی هاوڵاتیان بە وتەکانی سەرۆک وەزیران کە بۆ چەند جارێک بەڵێنی چارەسەر کردنی ئه و کێشانەی داوه و دواتر بۆ چەند جارێک بریاری گەمارۆکەی درێژ کردۆتەوه و ئەوەش ئەوە دەسەلمێنیت کە بەرێزی بە چاوی هاوڵاتی بون مامەڵە لەگەڵ خەلکی کوردستان ناکات و کێشه و بابەتە سیاسیەکانی نێوان هەرێم و بەغدای تێکەلأ بە ژیانی خەڵک و مافی خەڵک کردووە، لەسەر ئه و حیسابە مامەڵە لەگەل هاوڵاتیان دەکات، ئەوە لەکاتێکدایە نابێت هاولاتی باجی ململانئ ی سیاسیەکان بدات و ببێتە قوربانی.
سەرەرای ئەوەی پێچەوانەی دەستورو بنەماکانی مافی مرۆڤە لەهەمان کاتدا پێچەوانەی بڕگەی (13) خاڵی (1) ی جارنامەی مافەکانی مرۆڤە کە ئاماژە بەوە دەکات (هەمو کەسێک ئازادی هاتو چۆو هەڵبژاردنی شوێنی نیشتەجئ بوونی لەنێوان سنوری هەر دەوڵەتێکدا هەیە) ئەمە جگە لەوەی ئه و گەمارۆیە بۆ سەر فرۆکەخانەکان کاریگەری تەواوی بوە لەسەر ژیانی ئه و کەس و نەخۆشانەی کە پێویستیان بەگەشتی وڵاتان و وەرگرتنی چارەسەری پزیشکیە، بۆیە ئێمە نیگەرانین لە هەڵویستی ولاتان و کۆمەڵگەی نێو دەوڵەتی ونوسینگەی یۆنامی لەهەرێم و عێراق کە بەبەرچاوی ئەوانەوە حکومەتی عێراق ئه و مافەی خەڵکی کوردستان پێشێل دەکات. بەداخەوەش دوای 4 مانگ زیاتر و دوای ئه و هەموو هەوڵە بۆ داوا کردن لەحکومەتی ناوەند بۆ هەڵوەشانەوەی ئه و بڕیارە کەچی دەسەڵاتی فرۆکەوانی مەدەنی عێراق دووبارە لە 26-02-2018 گەمارۆی سەر فرۆکەخانەکانی درێژ کردەوە بۆ 3 مانگی تر، کە ئەوەش خزمەت بە بەره و پێش چونی هەوڵەکان ناکات بۆ لێک نزیک بونەوەی هەردوو حکومەتی ناوەندو هەرێمی کوردستان و لە پێناو چارەسەر کردنی کێشەکانی نێوانیان و کاریگەری زۆری دەبێت بۆ سەر ژیان و گوزرانی خەڵک. بۆیە داوا دەکەین هەرچی زووە هەوڵەکانی خۆتان بخەنە گەڕو فشار بخەنە سەر حکومەتی فیدراڵ بۆ هەلوەشانەوەی بریاری گەمارۆکانی سەر هەردوو فرۆکەخانەکانی هەولێرو سلێمانی.
دەستەی سەربەخۆی مافی مرۆڤ لەهەرێمی کوردستان
#27-02-2018#
Ev babet bi zimana (کوردیی ناوەڕاست - Central Kurdish) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 4,064 car hatiye dîtin
Raya xwe li ser vî babetî binivîsin!