ناوەندی ڕاگەیاندنی هێزەکانی پاراستنی گەل - هەپەگە دەربارەی ئۆپەراسیۆنەکانی سوپای تورکیا و چالاکییەکانی گەریلا ڕاگەیەنراوێکی بڵاوکردەوە.
دەقی ڕاگەیەنراوەکە کە لەسەر ماڵپەڕی هەپەگە بڵاوکراوەتەوە:
$لە چەلێ 2 سەربازی تورکیا کوژران$
لە 22ی نیسان کاتژمێر 16:10 هێزەکانمان لە گردی خەرەگۆل-ی ناوچەی چەلێ-ی جۆلەمێرگ لە دژی سوپای تورکیای داگیرکەر کە جێگیربووە، چالاکییەیان ئەنجامدا. لە چالاکییەکەدا لە دوو قۆڵەوە لە سەنگەرەکانی دوژمن درا و 2 سەنگەری سوپای تورکیا ڕوخێنران. ئەوەندەی ڕوون کراوەتەوە 2 سەرباز کوژراون.
$لە ئامەد سەربازێک کوژرا$
هێزەکانمان لە چوارچێوەی هەڵمەتی شۆڕشگێڕیی شەهید دەلال ئامەد و شەهیدانی بەستا-دا، ڕۆژی 21ی نیسان کاتژمێر 13:00 لە دژی گرووپێکی سەربازانی تابووری فندکێ-ی ناوچەی بەسا-ی شرناخ چالاکییەکیان ئەنجامدا. لە چالاکییەکەدا سەربازانی نێو سەربازگە کرانە ئامانج و سەربازێکی سوپای تورکیا کوژرا.
$لە بەدلیس 2 سەرباز کوژران$
ڕۆژی 22ی نیسان دانی بەیانی هێزەکانمان لە نزیک گوندی ساپێ-ی هەرێمی شەهید جوومە-ی بەدلیس چاودێری یەکینەیەکی شاراوەی سوپای تورکیای کرد. یەکینەکەی دوژمن کە ماوەیەکی درێژ چاودێری کرا، لە هەمان ڕۆژ کاتژمێر 17:00 بوو بە ئامانجی هێزەکانمان. لە نزیکەوە لە یەکینەشاراوەکە درا و ئەوەندەی ڕوون کراوەتەوە 2 سەرباز کوژران و یەکێکی دیکەش بریندار بوو.
$لە ئامەد 3 گەریلا شەهید بوون$
ڕۆژی 17ی نیسان سوپای تورکیای داگیرکەر لە دەڤەری بەنداوی پاسوور و گردی مەلوول، دۆرشین، شیناز، دیارێ مەرگێ، کویێ و شاپرناز-ی سەر بە ناوچەی پاسوور-ی ئامەد دەستی بە ئۆپەراسیۆن کرد. سوپای تورکیا داگیرکەر بە پشتگیریی تەکنیکی پێشکەوتوو و فڕۆکەی سیخووڕی، بە فڕۆکەی جەنگی بۆمبارانی هەرێمەکەیان کرد. لە ئەنجامی بۆمباراندا 3 هەڤاڵمان شەهید بوون. ئۆپەراسیۆنەکە ڕۆژی 19ی نیسان لە هەرێمەکە کشایەوە. ناسنامەی هەڤاڵەکانمان کە شەهید بوون، دواتر بە ڕای گشتی ڕادەگەیەنرێن.
$لە دێرسم چالاکی$
هێزەکانمان ڕۆژی 19ی نیسان لە هەرێمی شەهید دژوار-ی دێرسم 4 کامیۆنی کۆمپانیایەکیان سووتاند کە لەگەڵ سوپای تورکیا کاریان دەکرد و سەربازگەیان دروست دەکردن. سەرەڕای هەموو هۆشدارییەکیان 2 شۆفڵی کۆمپانیاکە کە لەگەڵ کۆنتراکان (هێزێکی سەر بە سوپای تورکیایە) و هێزەکانی دوژمن کاری دەکرد بوونە ئامانجی چالاکیی گەریلاکانمان. 2 کۆنترا کە کاریان بە شۆفڵەکان دەکرد کوژران و شۆفڵەکانیش زیانێکی زۆریان پێگەیشت.[1]
#23-04-2018#