دواڕۆژ، کۆچەر عەلی
رێکخراوی D.I.Aی ئەمریکی لەسەر بوجەی خۆی ژمارەیەک پڕۆژە لە بوارەکانی پەروەرده و تەندروستی و ئاوەدانکردنەوە لەسنوری پارێزگای هەولێر ئەنجامدەدات.
ئەمڕۆ چوارشەممە 16ی ئایار، شاندێکی ڕێکخراوەکه لەگەڵ پارێزگاری هەولێر کۆبوونەوە و بڕیاریاندا لەسەر بوجەی خۆیان هاوکاری ژمارەیەک پڕۆژە بکەن.
نەوزاد هادی، پارێزگاری هەولێر بە دواڕۆژی ڕاگەیاند شاندەکە بۆ جێبەجێکردنی چەند پڕۆژەیەک سەردانی هەولێریان کردووە و بڕیاریانداوە لە سێکتەرەکانی تەندروستی، پەروەردە، ڕۆشنبیری و ئاوەدانکردنەوە چەند پڕۆژەیەک ئەنجام بدەن.
وتیشی پرۆژەکان بریتین لەدروستکردنی قوتابخانه و بنکەی تەندروستی و هاوکاریکردنی بواری ڕۆشنبیری.
پارێزگاری هەولێر ئەوەشی وت ئه و ڕێکخراوە بارەگای سەرەکی له ئەمریکایه و کاری خۆبەخشی ئەنجامدەدات، بۆ یەکەمجاریشە لەسەر ئەرکی خۆیان دەستدەکەن بە جێبەجێکردنی ئه و پڕۆژانە و بڕیاریشیانداوە لە داهاتوودا بەردەوامبن و هاوکاری زیاتری خەڵکی هەرێمی کوردستان دەکەن.
لەبارەی ڕێژەی ئه و بوجەیەی بۆ پرۆژەکان دابینکراوە نەوزاد هادی ئاماژەی بەوەشکرد، بەهۆی ئەوەی تەواوی بوجەکە لەسەر ئەرکی ڕێکخراوەکەیە، ڕێژەکە دیاری نەکراوە، بەڵام تەواوی پڕۆژەکان ئەمساڵ تەواودەکرێن.[1]
#16-05-2018#
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 2,283 car hatiye dîtin
Raya xwe li ser vî babetî binivîsin!