دواڕۆژ، سیروان حەسەن
لەسنوری #گەرمیان#، لەکۆی 78 بەنزینخانە، تەنیا 18-یان مۆڵەتی کارکردنیان هەیە، 60 بەنزینخانەش بە نایاسایی کاردەکەن، بەرپرسێکی ناوچەکەش دەڵێت ناتوانین پشکنین بۆ ئەو بەنزینخانانە بکەین کە مۆڵەتیان نییە.
یادگار فەتاح، بەڕێوەبەری نەوت و کانزاکانی گەرمیان بە دواڕۆژی ڕاگەیاند لە سنوری گەرمیان تەنیا 18 بەنزینخانە مۆڵەتی یاساییان هەیە و لە لایەن تیمەکانمانەوە پشکنین و لێکۆڵینەوە یان لێپچینەویان لەگەڵدا دەکرێت.
وتیشی زیاتر لە 60 بەنزینخانە لە سنوورەکەدا هەن کە نایاساین و مۆڵەتییان نییە و بەڕێوەبەرایەتییەکەمان به و هۆیەوە ناتوانێت لێکۆڵینەوە و پشکنینیان بۆ بکات و بۆ ئه و مەبەستەش نوسراومان ئاراستەی ئیدارەی گەرمیان کردووە.
لەوبارەیەوە هەڤاڵ ئیبراهیم، وتەبێژی ئیدارەی گەرمیان بۆ دواڕۆژی ڕونیکردەوە لەسەر نوسراوەکەی نەوت و کانزاکانی گەرمیان، بەدواداچوونمان بۆ ئه و بەنزینخانانە کردووە کە لە سنورەکەدا مۆڵەتیان نییە.
دەشڵێت لەبەر ئەوەی بەشە بەنزینی گەرمیان جێگیر نییە، ئه و بەنزینخانانە بوونەتە هۆی ئەوەی قەیرانی کەمی بەنزین لە سنورەکەدا دروست نەبێت، چونکە هەموویان ئەهلین، هەرکاتێک بەشە بەنزینی سنورەکە جێگیرکرا ئەوکات لێکۆڵینەوەیان لەگەڵدا دەکرێت بە پێدانی مۆڵەتی فەرمی یان داخستنیان.[1]
#30-07-2018#
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 2,504 car hatiye dîtin
Raya xwe li ser vî babetî binivîsin!