دواڕۆژ، ئاوارە حەمید
ئاڵوگۆڕی بازرگانی لە هەرێمی کوردستان بەڕێژەی 25% زیادیکردووە، بەڕێوەبەری گشتیی بازرگانیش دەڵێت خۆپیشاندانەکانی خواروو و ناوەڕاست و ئاوەدانکردنەوەی #موسڵ# کاریگەریی زۆری لەسەر زیادبوونی ئەو پرۆسەیە هەیە.
نەوزاد ئەدهەم، بەڕێوەبەری گشتی بازرگانی لە وەزارەتی بازرگانی حکومەتی هەرێم بە دواڕۆژی ڕاگەیاند دوای سەرهەڵدانی قەیرانی دارایی و شەڕی چەکدارانی #داعش#، لەساڵی 2016 بەدواوە ئاڵوگۆڕی بازرگانی ساڵ بەساڵ باشتر دەبێت.
وتیشی ئاڵوگۆڕی بازرگانی هەرێمی کوردستان و وڵاتانی دەوروبەر ساڵی 2017 باشتر بوو لە 2016 و لە ئێستاشدا بەبەراود بە مانگەکانی سەرەتای ساڵی 2017 بەرزبوونەوەیەکی زۆری بەخۆیەوە بینەوە بەجۆرێک بەڕێژەی 25% ئاستەکە بەرز بۆتەوە.
ئەو بەڕێوەبەرە ئاماژەی بەوەشکرد، کە باشتر بوونی قەیرانی دارایی و نەمانی شەڕی داعش هۆکارن بۆ بەرزبوونەوەی ئاستی ئاڵوگۆڕی بازرگانی، هەروەها خۆپیشاندانەکانی خواروو و ناوەڕاستی عێراق و ئاوەدانکردنەوەی موسڵ، هۆکارێکی تری بەرەوپێشچوونی ئەو ئاڵوگۆڕییەیە.[1]
#05-08-2018#
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 2,268 car hatiye dîtin
Raya xwe li ser vî babetî binivîsin!